TSPSC Group 4 Notification 2022: తెలంగాణలో 9168 గ్రూప్‌-4 ఉద్యోగాలు.. ఇంటర్‌ పాసైతే చాలు.. జులై ఫస్ట్‌ వీక్‌లో నోటిఫికేషన్‌..?

TSPSC Group 4 Notification 2022: తెలంగాణలోని నిరుద్యోగులకు మరో గుడ్‌న్యూస్‌. రాష్ట్రంలో వరుసగా ప్రభుత్వ ఉద్యోగాలకు సంబంధించిన జాబ్‌ నోటిఫికేషన్లు విడుదలవుతున్న సంగతి తెలిసిందే. ఇప్పటికే టీఎస్‌పీఎస్‌సీ గ్రూప్ 1 నోటిఫికేషన్‌తో (TSPSC Group 1 Notification) పాటు.. పోలీసు ఉద్యోగాలు, వైద్య ఆరోగ్య శాఖలో ఖాళీల భర్తీకి వేర్వేరు నోటిఫికేషన్లు విడుదలైన సంగతి తెలిసిందే. అయితే అతి త్వరలోనే ఇంటర్ అర్హతతో 9,168 గ్రూప్‌-4 ఉద్యోగ ఖాళీల భర్తీకి మరో నోటిఫికేషన్ రాబోతోంది.

అతి త్వరలో విడుదలయ్యే జాబ్‌ నోటిఫికేషన్ల జాబితాలో 9,168 పోస్టులతో గ్రూప్ 4 నోటిఫికేషన్ కూడా ఉంది. గ్రూప్స్ నోటిఫికేషన్స్‌లో ఎక్కువ ఖాళీలు ఉన్న నోటిఫికేషన్ ఇదే కావడం గమనార్హం.

Rail Kaushal Vikas Yojana: 10వ తరగతి పాసైతే చాలు.. రైల్వేలో ఉచిత శిక్షణ.. ఉద్యోగ అవకాశం.. ఈ లింక్‌ ద్వారా అప్లయ్‌ చేసుకోండి
తాజా సమాచారం ప్రకారం జులై ఫస్ట్‌ వీక్‌లో TSPSC Group 4 Notification 2022 విడుదల చేయనున్నట్లు తెలుస్తోంది. ఇంటర్మీడియట్ అర్హతతో ఈ పోస్టుల్ని భర్తీ చేయనుంది. ఖాళీల సంఖ్య కూడా ఎక్కువగా ఉంది. ప్రభుత్వ కార్యాలయాల్లో జూనియర్ అసిస్టెంట్, టైపిస్ట్ లాంటి పోస్టులు ఉంటాయి కాబట్టి పోటీ ఎక్కువగానే ఉంటుంది. సుమారు 10 లక్షల మంది అభ్యర్థులు గ్రూప్- 4 పోస్టులకు అప్లయ్‌ చేసుకుంటారని అంచనా వేస్తున్నారు.

ఈ TSPSC Group 4 Notification 2022 ద్వారా ఖాళీలు భర్తీ చేసేందుకు ఇప్పటికే వివిధ శాఖల నుంచి ఆర్థిక శాఖకు వివరాలు అందాయి. ఆర్థిక శాఖ ఈ ఖాళీలను భర్తీ చేసేందుకు అనుమతి కూడా ఇచ్చింది. ఇంకా కొన్ని శాఖల నుంచి వివరాలు రావాల్సి ఉంది. ఆర్థిక శాఖ వాటికి కూడా ఆమోదం తెలిపితే టీఎస్‌పీఎస్‌సీ గ్రూప్ 4 నోటిఫికేషన్ విడుదల కానుంది.

TSPSC Group 4 to fill over 600 Junior Assistant posts in Varsities: తెలంగాణలోని పలు యూనివర్సిటీల్లో ఖాళీగా ఉన్న జూనియర్‌ అసిస్టెంట్‌ పోస్టుల (Junior Assistant posts) భర్తీ బాధ్యతను రాష్ట్ర విద్యాశాఖ.. TSPSC కి అప్పగించనున్నట్లు తెలుస్తోంది. ఈ జూనియర్‌ అసిస్టెంట్‌ పోస్టులను గ్రూపు-4 రిక్రూట్‌మెంట్‌ ద్వారా భర్తీ చేయనున్నారు. ఇందుకోసం విద్యాశాఖ వర్సిటీల్లో ఖాళీలపై కసరత్తు ప్రారంభించింది.

Agneepath Notification: అగ్నిపథ్‌ నోటిఫికేషన్‌ విడుదల.. విద్యార్హతలు, వయసు తదితర పూర్తి వివరాలివే
ఇటీవల జరిగిన విద్యాశాఖ సమావేశంలో జూనియర్‌ అసిస్టెంట్ల ఖాళీలు దాదాపు 600 వరకు ఉంటాయని అంచనాకు వచ్చారు. జూనియర్‌ అసిస్టెంట్‌ కేడర్‌తో సమానమైన జూనియర్‌ స్టెనోగ్రాఫర్‌ పోస్టులను (Junior Stenographer Posts) కూడా అందులో చేర్చాలా..? వద్దా..? అన్న ప్రశ్న చర్చకు వచ్చింది. స్టెనోగ్రాఫర్‌ పోస్టులు.. టెక్నికల్‌కు సంబంధించినవి కాబట్టి వాటిని TSPSC Group-4లో చేర్చకపోవచ్చనే న్యూస్‌ వినిపిస్తోంది. ఈ అంశంపై త్వరలో స్పష్టత రానుంది.

TSPSC Group 2 లో 582 ఉద్యోగాలు.. నోటిఫికేషన్‌ విడుదల ఎప్పుడంటే..?
TSPSC Group 2 Notification 2022: తెలంగాణ ప్రభుత్వం ఉద్యోగాల భర్తీ విషయంలో వేగంగా అడుగులు వేస్తోంది. ఇప్పటికే గ్రూప్‌-1, పోలీస్, టీఎస్‌ఎస్‌పీడీసీఎల్‌ ఉద్యోగాల భర్తీకి నోటిఫికేషన్లు విడుదల చేసిన సంగతి తెలిసిందే. ఇదే క్రమంలో ఇప్పుడు గ్రూప్‌-2, 4 ఉద్యోగాలు భర్తీ చేసే పనిలో ఉంది. గ్రూప్‌-2 (TSPSC Group 2 Notification 2022)లో 582, గ్రూప్‌-4 (TSPSC Group 4 Notification 2022) లో 9,168 ఉద్యోగాలు భర్తీ చేసేందుకు TSPSC కసరత్తు చేస్తోంది.

TSPSC గ్రూప్‌-2లో మోటర్‌ వెహికిల్‌ ఇన్‌స్పెక్టర్‌ (ఎంవీఐ), అటవీ శాఖలో ఉద్యోగాలు తొలుత భర్తీ చేయాలని యోచిస్తోంది. గ్రూప్‌-2 నోటిఫికేషన్‌ విడుదల చేసిన కొద్దిరోజుల తర్వాత TSPSC గ్రూప్‌-4 నోటిఫికేషన్‌ జారీచేసేందుకు TSPSC ఏర్పాట్లు చేస్తున్నట్లు సమాచారం. ఇందుకోసం వివిధ శాఖల నుంచి నివేదికలు సేకరిస్తోంది. TSPSC గ్రూప్‌-4లో కిందిస్థాయి ఉద్యోగాల భర్తీ ఉంటుంది. కాబట్టి జిల్లాలవారీగా నివేదికలు పంపాలని TSPSC ఇప్పటికే ఆదేశాలు పంపింది. ఈ నేపథ్యంలో జూన్‌ నెలాఖరు లేదా జులై మొదట్లో గ్రూప్‌-2, 4 నోటిఫికేషన్లు విడుదలయ్యే అవకాశం ఉంది.