TSSPDCL JLM Recruitment 2022: తెలంగాణలో 1000 జూనియర్‌ లైన్‌మెన్‌ ఉద్యోగాలు.. ఖాళీలు ఉన్న జిల్లాలు ఇవే

TSSPDCL JLM Recruitment 2022: తెలంగాణలో విద్యుత్ శాఖలో భారీగా ఉద్యోగాల భర్తీకి నోటిఫికేషన్లు వెలువడ్డాయి. మొత్తం 1271 పోస్టులకు గాను నోటిఫికేషన్లు విడుదల చేశారు. ఇందులో 70 ఏఈ పోస్టులు కాగా.. మిగిలిన వాటిలో 100 జూనియర్‌ లైన్‌మెన్‌ (JLM).. 201 సబ్‌ ఇంజినీర్‌ (SE) పోస్టులున్నాయి. అయితే.. తాజాగా 1000 జూనియర్ లైన్ మెన్ ఉద్యోగాల భర్తీకి అధికారులు పూర్తిస్థాయి జాబ్ నోటిఫికేషన్ (Job Notification) విడుదల చేశారు. ఈ ఉద్యోగాలకు ఈనెల 19 నుంచి దరఖాస్తు ప్రక్రియ ప్రారంభమవుతుంది. జూన్ 8 దరఖాస్తులకు చివరితేది. అర్హత, ఆసక్తి కలిగిన అభ్యర్థులు జూన్‌ 8వ తేదీలోగా ఆన్‌లైన్‌ విధానంలో అప్లయ్‌ చేసుకోవచ్చు. దరఖాస్తు చేసుకున్న అభ్యర్థులు జూలై 11 నుంచి హాల్ టికెట్లు డౌన్ లోడ్ చేసుకోవాల్సి ఉంటుంది. అనంతర జూలై 17 వారికి రాత పరీక్ష నిర్వహించనున్నట్లు నోటిఫికేషన్లో స్పష్టం చేశారు. పూర్తి వివరాలను https://tssouthernpower.cgg.gov.in/ వెబ్‌సైట్‌లో చూడొచ్చు.

TS Govt Jobs 2022: తెలంగాణలో 20,878 ప్రభుత్వ ఉద్యోగాలు.. నోటిఫికేషన్లు విడుదల.. టెన్త్‌, ఇంటర్‌, డిగ్రీ, బీటెక్‌, డిప్లొమా అర్హత ఉంటే చాలు

• విద్యార్హతలు: టెన్త్ తో పాటు ఐటీఐలో ఎలక్ట్రికల్‌ ట్రేడ్‌, వైర్‌మెన్‌ లేదా ఎలక్ట్రికల్‌ ట్రేడ్‌ లో ఇంటర్‌ ఒకేషనల్‌ కోర్సు పాసైన అభ్యర్థులు ఈ ఖాళీలకు అప్లయ్‌ చేసుకోవచ్చు.
• వయో పరిమితి: ఈ ఉద్యోగాలకు సంబంధించి దరఖాస్తుదారుల వయస్సు 18-35 ఏళ్లు ఉండాలి. ఎస్సీ, ఎస్టీ, బీసీ, ఈడబ్ల్యూఎస్ అభ్యర్థులకు ఐదేళ్ల పాటు వయో పరిమితిలో సడలింపు ఇచ్చారు.
• దరఖాస్తు ఫీజు: అప్లికేషన్ ప్రాసెసింగ్ ఫీజు కింద రూ.200 చెల్లించాల్సి ఉంటుంది. ఎగ్జామ్ పీజు కింద రూ.120 చెల్లించాల్సి ఉంటుంది. ఎస్సీ, ఎస్టీ, బీసీ అభ్యర్థులకు ఎగ్జామ్ ఫీజు చెల్లింపులో మినహాయింపు ఇచ్చారు.

ఖాళీలు ఉన్న జిల్లాలివే:
మహబూబ్ నగర్, వనపర్తి, నాగర్ కర్నూల్, జోగులాంబ-గద్వాల్, నారాయణపేట, నల్గొండ, యాదాద్రి భువనగిరి, సూర్యాపేట, మెదక్, సిద్దిపేట, సంగారెడ్డి, వికారాబాద్, రంగారెడ్డి, మేడ్చల్, హైదరాబాద్ జిల్లాల్లో ఖాళీలు ఉన్నాయి.

ముఖ్యమైన తేదీలు:

• దరఖాస్తులు, ఫీజు చెల్లింపులు ప్రారంభం- మే 19
• దరఖాస్తులకు ఆఖరి తేదీ- జూన్‌ 8
• హాల్‌ టికెట్ల డౌన్‌లోడ్- జూలై 11
• రాత పరీక్ష తేది- జూలై 17
• వెబ్‌సైట్‌: https://tssouthernpower.cgg.gov.in/

TSSPDCL జేఎల్‌ఎం, సబ్‌ ఇంజనీర్‌ ఉద్యోగాలు జిల్లా స్థాయి పోస్టులే:
కొత్త జోనల్‌ విధానం ప్రకారం జేఎల్‌ఎం, సబ్‌ ఇంజినీర్‌ పోస్టులను భర్తీ చేయనున్నారు. జేఎల్‌ఎం, సబ్‌ ఇంజనీర్‌ పోస్టులను జిల్లా స్థాయి పోస్టులుగా వర్గీకరించి భర్తీ చేయనున్నారు. దీంతో ఆయా జిల్లాల స్థానికత గల అభ్యర్థులకే 95 శాతం పోస్టులు దక్కనున్నాయి. ఐటీఐ (ఎలక్ట్రికల్‌)తో పాటు అప్రెంటిస్‌ పూర్తి చేసిన అభ్యర్థులు జేఎల్‌ఎం పోస్టులకు అర్హులు. ఎలక్ట్రికల్‌ ఇంజనీరింగ్‌లో డిప్లొమా చేసిన వారు సబ్‌ ఇంజనీర్‌ పోస్టులకు అర్హులు.

TSSPDCL JLM పోస్టులకు పదేళ్ల వయో సడలింపు లేదు:
TSSPDCL Recruitment 2022: దక్షిణ తెలంగాణ విద్యుత్‌ పంపిణీ సంస్థ (TSSPDCL) భర్తీ చేయనున్న జూనియర్‌ లైన్‌మెన్‌ (జేఎల్‌ఎం) పోస్టులకు 10 ఏళ్ల గరిష్ట వయోపరి మితి సడలింపును వర్తింపజేయడం లేదు. విద్యుత్‌ స్తంభాలను ఎక్కి అత్యంత ప్రమాదకర పరిస్థితిలో విధులు నిర్వహించే జూనియర్‌ లైన్‌మెన్‌కు శారీరక దారుఢ్యం అత్యంత ఆవశ్యకమని, అందువల్ల ఈ పోస్టుల భర్తీకి ఎలాంటి సడలింపు ఇవ్వడం కుదరదని టీఎస్‌ఎస్పీడీసీఎల్‌ నిర్ణయించింది.