ఇంటర్వ్యూ చివరలో ఈ ప్రశ్నలు అడిగితే.. జాబ్ మీదే!

ఇప్పటికే చాలా ఇంటర్వ్యూలకెళ్లారా? ఉద్యోగం కోసం ఎంత ప్రయత్నించినా నిరాశే ఎదురైందా? ఇంటర్వ్యూలో అడిగిన ప్రశ్నలన్నింటికీ బదులిచ్చినా.. జాబ్ వచ్చినట్టే వచ్చి చేజారిపోతోందా..? ఇక నుంచి మీరు కూడా తిరిగి ప్రశ్నించండి. జాబ్ రావడం పక్కా. ఎందుకంటే, ముఖాముఖిలో ఎదుటి వ్యక్తి అడిగిన ప్రశ్నలకు బదులివ్వడం ఎంత ముఖ్యమో... ఇంటర్వ్యూ చివర్లో కంపెనీ గురించి ప్రశ్నల ద్వారా సమాచారం రాబట్టడమూ అంతే ముఖ్యం. దీని వల్ల ఉద్యోగం పట్ల మీరు ఆసక్తిగా ఉన్నారనే భావన ఇంటర్వ్యూయర్‌కు ఏర్పడుతుంది. ఫలితంగా మీకు ఉద్యోగం వచ్చే అవకాశాలు గణనీయంగా మెరగవుతాయి.

సరైన ప్రశ్నలు అడగడం వల్ల విపరీతమైన పోటీ ఉన్నప్పటికీ.. ఉద్యోగాన్ని చేజిక్కించుకోవచ్చు. కంపెనీలో మీరు దరఖాస్తు చేసుకున్న ఉద్యోగం రావాలంటే ఇంకా ఏం చేయాలనే అవగాహన కూడా వస్తుంది. ఇంతకూ ఏ ప్రశ్నలు అడగాలో చూడండి.

➦ మొదటి మూడు నెలల్లో మిమ్మల్ని ఎలా మెప్పించగలను?
How could I impress you in the first 3 months?
ఈ ప్రశ్న అడగడం ద్వారా మీరు ముందు చూపుతో ఆలోచిస్తున్నారనే భావన కలుగుతుంది. కంపెనీకి, మీకు ఎలా లబ్ధి చేకూరుతుందని దిశగా మీ ఆలోచనలు ఉన్నాయని ఇంటర్వ్యూయర్ భావిస్తాడు. మీ అంకితభావం, టీమ్‌లో ఓ మెంబర్‌గా మీ ఫోకస్, సహకారం గురించి ఎదుటి వ్యక్తి ఓ అంచనాకు వస్తాడు.

➦ ఉద్యోగంలో చేరిన మొదటి మూడు నెలల్లో ఎలాంటి సవాళ్లు ఎదురవుతాయి?
What kind of challenges could I face in the first 3 months?

కాలేజీలో మీకు ఎదురైన కఠినమైన సవాల్ ఏంటని కంపెనీలు ప్రశ్నిస్తాయి. దాన్ని ఎలా అధిగమించారో తెలుసుకుంటాయి. మీరే సవాళ్ల గురించి ప్రశ్నించడం ద్వారా సవాళ్లను స్వీకరించడానికి మీరు సిద్ధంగా ఉన్నారని, కష్టించి పని చేస్తారని సంస్థ భావిస్తుంది.

➦ ఇక్కడ పని చేస్తున్నప్పుడు మీకు బాగా ఆనందం కలిగించిన అంశమేంటి?
What have you enjoyed most about working here?

ఇక్కడ పని వాతావరణం ఎలా ఉంటుందని అనే ప్రశ్ననే మరో రూపంలో అడగటమే ఈ ప్రశ్న ఉద్దేశం. ఈ ప్రశ్నతో ఇంటర్వ్యూ చేసే వ్యక్తి మీతో వ్యక్తిగతంగా కనెక్ట్ అవుతాడు. ఈ ఉద్యోగంలో ఎంత సంతృప్తిగా ఉన్నాడనే విషయమై తన అనుభవాలను పంచుకుంటాడు. బదులివ్వడానికి టైం తీసుకుంటే.. ఉద్యోగంలో చేరే విషయమై ఆలోచించడమే మంచిది.

➦ చదువు కొనసాగించడం, ప్రొఫెషనల్ ట్రైనింగ్ ఆఫర్ చేస్తారా?
Do you offer continuing education & professional training? ఈ ప్రశ్న ద్వారా మీరు కొత్త అంశాలను నేర్చుకోవడానికి మీ నాలెడ్జ్‌ను పెంపొందించుకోవడానికి ఆసక్తి చూపుతున్నారని అర్థం అవుతుంది. మీరు ఎదిగే కొద్దీ అది సంస్థకు లాభమే కదా. ఎదగాలని భావించేవారు నైపుణ్యాలు పెంచుకోవడం ముఖ్యం.

➦ గతంలో ఈ స్థానంలో ఎవరు ఉన్నారు?
Who previously held this position?

మీరు బాధ్యతలు చేపట్టబోయే స్థానంలో అంతకు ముందు పని చేసిన వ్యక్తికి ప్రమోషన్ వచ్చిందా లేదంటే తొలగించారా లేదా తనే జాబ్ మారాడో ఈ ప్రశ్న ద్వారా తెలుసుకోవచ్చు. సంస్థ గురించి ఓ అవగాహనకు రావడానికి ఈ ప్రశ్న ఉపయోగపడుతుంది.

➦ మీ నుంచి స్పందనను ఎప్పటిలోగా ఆశించొచ్చు, తర్వాతి దశలేంటి?
When can I expect to hear from you & what are the next steps?

ఇదే మీ చివరి ప్రశ్న కావాలి. ఈ ప్రశ్నను అడిగేందుకు మొహమాట పడొద్దు. ఎంపిక విషయంలో ఓ నిర్ణయానికి రావడానికి రిక్రూటర్లు టైం తీసుకుంటారు. నియామక ప్రక్రియలో తర్వాత ఎన్ని దశలు ఉన్నాయో తెలుసుకోవడం మీకు ఉపకరిస్తుంది.

Read More..
➦ మరింత ఉద్యోగ సమాచారం కోసం క్లిక్ చేయండి..➦ మరింత విద్యాసమాచారం కోసం క్లిక్ చేయండి..