Trending: చెప్పులు వేసుకుంటే చాలు రూ.4 లక్షల జీతం.. ప్రముఖ సంస్థ క్రేజీ ఆఫర్‌

చెప్పులు వేసుకుంటే జీతం ఇవ్వడమేంటి.. అందులోనూ అంత పెద్ద మొత్తం అని ఆశ్చర్యపోతున్నారు కదూ.. కానీ మీరు చదివింది నిజమే. లండన్‌కు చెందిన ఓ కంపెనీ తమ సంస్థకు చెందిన చెప్పులను ధరించి టెస్ట్‌ చేస్తే రూ. నాలుగు లక్షల జీతం ఇస్తామని ప్రకటించింది.

ఖాళీగా ఏం చేయకుండా.. కేవలం ఇంట్లో కూర్చుని ఏడాదికి రూ. 4లక్షలు సంపాదించే అవకాశాన్ని యునైటెడ్‌ కింగ్‌డమ్‌కు చెందిన ‘బెడ్‌రూం అథ్లెటిక్స్‌’ అనే సంస్థ ఇలాంటి అవకాశాన్నే కల్పిస్తోంది. ఆ సంస్థకు చెందిన పాదరక్షల్ని రోజుకు 12గంటల పాటు ధరిస్తే చాలు.. ఏడాదికి సుమారు రూ. 4 లక్షల వరకూ జీతాన్ని అందిస్తామని తాజాగా ప్రకటించింది. ఈ మేరకు తమ వెబ్‌సైట్‌లో ప్రకటన విడుదల చేసింది.

పోలీస్ ఉద్యోగాల‌కు మీరు సిద్ధ‌మా..? తెలుగు రాష్ట్రాల్లో 34 వేలకు పైగా ఖాళీలు.. ఎప్పుడైనా నోటిఫికేషన్లు వెలువడే ఛాన్స్‌..!
ఈ ఉద్యోగం చేసేవారు చేయాల్సిందల్లా.. సంస్థ పాదరక్షల్ని రోజుకు 12గంటల పాటు ధరించి, వారికి సమీక్ష చెప్పడమే. పనితీరు బాగుంటే జీతంతో పాటు 12 జతల చెప్పుల్ని కూడా ఉచితంగా ఇస్తారండోయ్‌! అయితే వచ్చిన చిక్కల్లా.. రెండు ఉద్యోగాలు మాత్రమే ఉన్నాయి. వాటిల్లోనూ ఒకటి పురుషుడికి, ఒకటి మహిళకు ఇస్తారు.

ఇందుకోసం సంస్థ అధికారిక వెబ్‌సైట్‌ https://www.bedroomathletics.com/ లో దరఖాస్తు చేసుకోమని తెలిపింది. అయితే ఈ దరఖాస్తు చేసుకునే క్రమంలో తాము ఆ ఉద్యోగానికి ఎందుకు సూట్ అవుతామన్న విషయాన్ని వివరంగా తెలపాల్సి ఉంటుంది. ఎవరైతే ఆకట్టుకునే విధంగా వివరణ ఇస్తారో వారికి ఈ అవకాశాన్ని కల్పించనున్నట్లు సదరు సంస్థ తెలిపింది. ఇక ఈ దరఖాస్తుకు చివరి తేదీగా ఈ నెల 31ని నిర్ణయించారు.