నిరుద్యోగులకు గుడ్‌న్యూస్‌.. T-seva కేంద్రాల ఏర్పాటుకు దరఖాస్తుల ఆహ్వానం

తెలంగాణ రాష్ట్రవ్యాప్తంగా టీ-సేవ ఆన్‌లైన్‌ కేంద్రాలు ఏర్పాటు చేసుకునేందుకు అర్హత, ఆసక్తిగల అభ్యర్థులు ఈ నెల 25వ తేదీ లోగా దరఖాస్తు చేసుకోవాలని టీ-సేవా డైరెక్టర్‌ అడపా వెంకట్‌ రెడ్డి తెలిపారు.

నిరుద్యోగ యువకులు స్వయం ఉపాధి పొందేందుకు తెలంగాణ ప్రభుత్వం టీ సేవ కేంద్రాలను అందుబాటులోకి తెచ్చింది. టీ-సేవా ఆన్‌లైన్‌ కేంద్రాలు ఏర్పాటు చేసుకొని స్వయం ఉపాధి పొందడానికి అవకాశం కల్పిస్తోంది.

టీ సేవ ద్వారా వినియోగదారులకు బస్, ట్రైన్ టికెట్లు బుక్ చేయడం, బిల్లులు కట్టడం, బ్యాంక్‌, ఇన్సూరెన్స్‌, పాన్‌ కార్డ్‌ వంటి సేవలను అందించవచ్చు.

స్వర్ణ తెలంగాణ స్వయం ఉపాధి పథకం కింద దరఖాస్తు చేసుకున్న ఎస్సీ, ఎస్టీ, బీసీ, మైనార్టీ ఓబీసీలు ఆర్థికంగా వెనకబడిన అభ్యర్థులు, దివ్యాంగులు, పదవీ విరమణ చేసిన సైనికులు, మహిళలకు 25శాతం రిజిస్ర్టేషన్‌ ఫీజులో ప్రత్యేక రాయితీ ఇస్తామన్నారు.

ఈ నెల 25లోపు http://www.tsevacentre.com ద్వారా దరఖాస్తు చేసుకోవాలని ఆయన సూచించారు.

Also read: డిగ్రీ, బీటెక్‌ విద్యార్థులకు గుడ్‌న్యూస్‌.. ఒకే వేదికపైకి 3 ల‌క్ష‌ల అవకాశాలు.. రిజిస్టర్‌ చేసుకుంటే చాలు