Myntra: ప్రముఖ ఈ-కామర్స్ సంస్థ మింత్రాలో 16,000 జాబ్స్.. పూర్తి వివరాలివే

Myntra to hire 16000 jobs: ప్రముఖ ఫ్యాషన్ ఈ కామర్స్ (E Commerce) సంస్థ మింత్రా (Myntra) నిరుద్యోగులకు గుడ్‌న్యూస్‌ చెప్పింది. ఈ పండుగ సీజన్ లో 16 వేల మందిని నూతనంగా నియమించుకోనున్నట్లు తెలిపింది. డెలివరీ, లాజిస్టిక్స్, వేర్ హౌజ్ హ్యాండ్లింగ్ తదితర విభాగాల్లో ఈ నియామకాలను చేపట్టనున్నట్లు ప్రకటించింది. గతేడాది ఇదే సమయంలో మొత్తం 11 వేల నియామకాలను చేపట్టింది మింత్రా. ప్రస్తుతం నియామకాలు చేపట్టనున్న 16 వేల ఉద్యోగాల్లో 10 వేల మందికి నేరుగా ఉద్యోగవకాశాలను కల్పించనుండగా.. మరో 6 వేల మందికి పరోక్షంగా ఉపాధి కల్పించనున్నట్లు తెలిపింది.

మింత్రా ప్రస్తుతం చేపట్టిన నియామకాల్లో సార్టింగ్ (Sorting), ప్యాకింగ్ (Packing), పికింగ్ (Picking), లోడింగ్ (Loading), అన్ లోడిండ్ (Un Loading), డెలివరీ (Delivery), రిటర్న్ ఇన్స్పెక్షన్ (Return Inspection) కు సంబంధించినవని సంస్థ తెలిపింది. గత జూన్ లో మింత్రా 50 లక్షల వస్తవులను కేవలం ఒకే రోజు అమ్మి రికార్డ్ సృష్టించిన విషయం తెలిసిందే.

Flipkart: ఫ్లిప్‌కార్ట్‌లో ఉద్యోగాలు.. ఇంటి నుంచే పని చేసే అవకాశం.. పూర్తి వివరాలివే
Flipkart Jobs: ప్రముఖ ఈ-కామర్స్ దిగ్గజం ఫ్లిప్‌కార్ట్ (Flipkart) నిరుద్యోగులకు గుడ్‌న్యూస్‌ చెప్పింది. కంపెనీలో వివిధ జాబ్ రోల్స్ కోసం కొత్తగా రిక్రూట్‌మెంట్ చేపట్టిన ఈ కంపెనీ.. ఎంపికైన వారికి వర్క్ ఫ్రమ్ హోమ్ (Work From Home) విధానంలో పని చేసే అవకాశం కల్పిస్తామని వెల్లడించింది. ఎక్స్‌పీరియన్స్ ఉన్న వారితో పాటు ఫ్రెషర్స్ నుంచి కూడా అప్లికేషన్లను ఆహ్వానిస్తోంది. దేశవ్యాప్తంగా ఈ రిక్రూట్‌మెంట్ ఉంటుందని ప్రకటించింది. కంపెనీ లింక్డ్‌ఇన్ పేజీ లేదా ఇతర జాబ్ పోర్టల్స్, ఫ్లిప్‌కార్ట్ కెరీర్స్ సైట్ నుంచి ఉద్యోగాలకు సంబంధించిన మరింత సమాచారం పొందవచ్చు.

దేశవ్యాప్తంగా నియామకాలు: ఫ్లిప్‌కార్ట్ ఇప్పుడు ఢిల్లీ, కర్నాటక, బిహార్‌తో పాటు ఇతర ప్రాంతాల్లో వర్క్ ఫ్రమ్ హోమ్ బేసిస్‌లో వివిధ ఉద్యోగాలకు రిక్రూట్‌మెంట్ ప్రక్రియ చేపట్టింది. అర్హత ఉన్నవారు దరఖాస్తు చేసుకోవచ్చని ప్రకటించింది. ఈ-కామర్స్ దిగ్గజంలో పని చేసేందుకు ఆసక్తి, అర్హత కలవారు అప్లయ్‌ చేసుకోవచ్చు. ఉద్యోగాల భర్తీ ప్రక్రియ త్వరలో ప్రారంభమవుతుందని కంపెనీ ప్రకటనలో పేర్కొంది. వర్చువల్ విధానంలో ఈ నియామక ప్రక్రియ సాగనున్నట్లు తెలుస్తోంది.