RRB Group D Exam 2022: రైల్వే పరీక్ష తేదీలు విడుదల.. షెడ్యూల్‌ ఇదే.. ఏ పరీక్ష ఎప్పుడంటే..?

RRB Group D CBT 1 Exam 2022: రైల్వే రిక్రూట్‌మెంట్ బోర్డ్ (RRB) గ్రూప్ డీ రిక్రూట్‌మెంట్ రాత పరీక్షల తేదీలను రైల్వే అధికారులు ప్రకటించారు. అభ్యర్థులు అధికారిక వెబ్‌సైట్‌ను సందర్శించడం ద్వారా పరీక్షకు సంబంధించిన పూర్తి వివరాలను తెలుసుకోవచ్చు. RRB గ్రూప్ D ఫేజ్ 1 పరీక్ష ఆగస్టు 17 నుంచి ఆగస్టు 25 వరకు జరుగుతాయి.

RRB Group D Admit Card ఇలా డౌన్‌లోడ్‌ చేసుకోవాలి:
ఎస్సీ, ఎస్టీ కేటగిరీ అభ్యర్థుల కోసం ట్రావెల్ అథారిటీని డౌన్‌లోడ్ చేసుకునే లింక్ ఆగస్టు 9న RRB అధికారిక వెబ్‌సైట్‌లో రాత్రి 10 గంటలకు యాక్టివేట్ చేయబడుతుంది. దీనితో పాటు.. అభ్యర్థులు పరీక్ష నగరం మరియు తేదీని కూడా చూసుకోవచ్చు. ఇక పరీక్ష జరిగే రోజుకు నాలుగు రోజుల ముందు అడ్మిట్ కార్డులను డౌన్ లోడ్ చేసుకోవచ్చని నోటిఫికేషన్‌లో తెలిపారు. అంటే పరీక్ష ఆగస్టు 17న ఉంటే.. అభ్యర్థులు ఆగస్టు 13 లేదా 14 నుండి అడ్మిట్ కార్డ్ డౌన్‌లోడ్‌ చేసుకోవచ్చు. పరీక్ష సమయంలో ఆధార్ బేస్డ్ బయోమెట్రిక్ ఉంటుంది.

RRB Group D ఎంపిక ప్రక్రియ ద్వారా రైల్వేలో లెవల్ 1 కింద 1,03,769 ఖాళీలను భర్తీ చేస్తారు. ఇందులో జనరల్ కేటగిరీకి 42,355, షెడ్యూల్డ్ కులాల కేటగిరీకి 15,559, షెడ్యూల్డ్ తెగలకు 7,984, ఇతర వెనుకబడిన తరగతులకు 27,378, ఆర్థికంగా బలహీన వర్గాలకు 10,381 పోస్టులు ఉన్నాయి.

పరీక్ష విధానం:
RRB Group D పరీక్ష పేపర్ 100 మార్కులకు ఉంటుంది. నెగెటివివ్ మార్కులు ఉంటాయి. ప్రతి తప్పు సమాధానానికి మూడో వంతు మార్కు కోత విధిస్తారు. పరీక్ష 90 నిమిషాలు ఉంటుంది. ఇందులో జనరల్ సైన్స్ నుంచి 25, మ్యాథ్స్ నుంచి 25, జనరల్ ఇంటెలిజెన్స్ అండ్ రీజనింగ్ నుంచి 30, జనరల్ అవేర్‌నెస్ అండ్ కరెంట్ అఫైర్స్ నుంచి 20 ప్రశ్నలు అడుగుతారు.

జనరల్ కేటగిరీ అభ్యర్థులు ఉత్తీర్ణత సాధించాలంటే 40 శాతం, ఈడబ్ల్యూఎస్‌కు 40 శాతం, ఓబీసీకి 30, ఎస్సీ, ఎస్టీలకు 30 శాతం ఉండాలి. వీటిలో మెరిట్ సాధించిన వారిని పీఈటీకి పిలుస్తారు. దానిని కూడా విజయవంతంగా పూర్తి చేసిన అభ్యర్థులను డాక్యుమెంట్ వెరిఫికేషన్, మెడికల్ టెస్టుకు పిలుస్తారు. అనంతరం తుది ఎంపిక చేస్తారు.