పాడైపోవొద్దన్న అక్క.. ప్రాణాలు తీసుకున్న తమ్ముడు.. విశాఖలో విషాదం

ఆన్‌లైన్ గేమ్స్ ఆడొద్దని అక్క మందలించిందని తమ్ముడు ఆత్మహత్య చేసుకున్న విషాద ఘటన విశాఖపట్నంలో చోటుచేసుకుంది. తల్లీతండ్రిని కోల్పోయిన వంశీకృష్ణ(13) నగరంలోని ఆరిలోవలో అక్క ఇంట్లో ఉంటున్నాడు. కొద్దికాలంగా ఆన్‌లైన్ గేమ్స్‌కి బానిసగా మారిన వంశీ నిత్యం ఫోన్‌తోనే కాలం గడిపేవాడు. విసిగిపోయిన అక్క ఒక్కసారిగా తీవ్రంగా మందలించడంతో ఫోన్ విసిరికొట్టి ఇంటి నుంచి బయటికి వెళ్లిపోయాడు.

కోపంగా వెళ్లిపోయిన వంశీ అనూహ్యంగా ఆత్మహత్య చేసుకున్నాడు. ముడా పరిధిలోని సర్వోవ పార్క్ సమీపంలో చెట్టుకు ఉరి వేసుకుని బలవన్మరణానికి పాల్పడ్డాడు. విషయం తెలుసుకున్న అక్క, అతని కుటుంబ సభ్యులు కన్నీరుమున్నీరయ్యారు. తల్లీతండ్రీ చనిపోగా ఉన్న ఒక్క తమ్ముడు కూడా ఆత్మహత్య చేసుకోవడంతో అక్క దు:ఖంలో మునిగిపోయింది. ఆన్‌లైన్ గేమ్స్ ఎడిక్షన్ కారణంగానే ఆత్మహత్య చేసుకుని ఉంటాడని పోలీసులు భావిస్తున్నారు. ఆ మేరకు కేసు నమోదు చేసుకుని దర్యాప్తు చేస్తున్నారు.

Read Also: కామాంధుడికి కారాగారం.. ఆ స్కూల్ బస్సు క్లీనర్ జైలుకి..

Also Read: అక్కాచెల్లెళ్లను బంధించి గ్యాంగ్ రేప్.. అవమాన భారంతో బాధితుల అఘాయిత్యం