జాబ్ చేస్తూ ఫోన్ కొనుక్కున్న బాలిక.. అక్కతో గొడవ, ఆత్మహత్య

ఫోన్ కోసం అక్కతో గొడవ పడి ఓ మైనర్ బాలిక ఆత్మహత్య చేసుకుంది. హైదరాబాద్ నగరంలోని కుషాయిగూడలో ఈ ఘటన చోటు చేసుకుంది. స్థానిక కట్టింగ్ కాలనీలో నివాసం ఉంటున్న ఓ మేస్త్రి కుమార్తె (17) ఇంటర్ పూర్తి చేసింది. ఓ ప్రైవేట్ కంపెనీలో ఉద్యోగం చేస్తోంది. ఆమె ఇటీవలే సెల్ ఫోన్ కొనుక్కుంది. ఇంట్లో ఉన్న ఒకే ఒక్క సెల్ ఫోన్‌ను అక్కాచెల్లెళ్లిద్దరూ ఉపయోగిస్తున్నారు. ఈ క్రమంలో సోమవారం (ఆగస్టు 15) ఆ ఫోన్ విషయమై అక్కాచెల్లెళ్లిద్దరూ ఘర్షణ పడ్డారు. అక్క మందలించడంతో మనస్తాపం చెందిన చెల్లి చీరతో ఉరి వేసుకుని ఆత్మహత్య చేసుకుంది. ఈ ఘటన ఆ కుటుంబంలో తీవ్ర విషాదం నింపింది. సమాచారం అందుకున్న కుషాయిగూడ పోలీసులు కేసు నమోదు చేసి దర్యాప్తు చేస్తున్నారు. మృతదేహాన్ని పోస్టుమార్టం నిమిత్తం ఆస్పత్రికి తరలించారు.

Also Read:

పటాన్‌చెరు: జెండా ఎగరేస్తుండగా కరెంట్ షాక్.. ఇద్దరి మృతి