యువతి అనుమానాస్పద మృతి.. గుంటూరులో మిస్టరీగా మరణం

గుంటూరు జిల్లాలో యువతి అనుమానాస్పదంగా మృతి చెందిన ఘటన కలకలం రేపింది. తాడేపల్లి పరిధిలోని ఉండవల్లి ఏరియాకి చెందిన యువతి చాందిని(18) ఇంట్లో ఉరి వేసుకుని ఆత్మహత్య చేసుకుంది. కుటుంబ సమస్యల కారణంగానే ఆమె ఆత్మహత్యకు పాల్పడిందని ఆమె కుటుంబీకులు, బంధువులు చెబుతున్నారు. అయితే యువతి మరణంపై అనుమానాలు తలెత్తడంతో పోలీసులు అనుమానాస్పద మరణంగా కేసు నమోదు చేసినట్లు తెలుస్తోంది.

యువతికి గతంలో లవ్ ఎఫైర్ ఉందని.. ఆమె తన ప్రియుడితో ఇంటి నుంచి వెళ్లిపోయి కొద్దికాలం తర్వాత ఇంటికి తిరిగివచ్చినట్లు సమాచారం. ఆమె సోదరుడు సైకోలా ప్రవర్తిస్తుంటాడని.. అతనికి సోదరి చాందినితో పడేది కాదని స్థానికులు చెబుతున్నారు. ఎప్పుడూ గొడవపడుతుండేవాడని.. దానికి తోడు ప్రేమ వ్యవహారం బెడిసికొట్టడం కూడా ఆమె ఆత్మహత్యపై అనుమానాలను రేకెత్తిస్తోంది. దీంతో అనుమానాస్పద మరణంగా కేసు నమోదు చేసిన పోలీసులు యువతి మృతదేహాన్ని పోస్టుమార్టం నిమిత్తం గుంటూరు జీజీహెచ్‌కి తరలించారు. పోలీసు విచారణలో అసలు నిజాలు తేలాల్సి ఉంది.

Read Also: ఓనర్ రేప్ వీడియో లీక్ చేసిన డ్రైవర్.. సిగ్గుతో చచ్చిపోయిన బాధితురాలు.!

Also Read: మందు తాగి భర్తని పొడిచేసిన లేడీ డాక్టర్.. హైదరాబాద్‌లో ఘోరం