భార్యపై అనుమానం.. చేయి విరగ్గొట్టిన 75 ఏళ్ల భర్త.. దారుణం

ఆమెకు 68 ఏళ్లు.. పెళ్లై 44 సంవత్సరాలు.. ఇద్దరు మనవళ్లు.. ఈ వయసులో పక్కింటి కుర్రాడికి సాయం చేస్తోందని అనుమానపడ్డాడు 75 ఏళ్త భర్త. అతనితో నీకేం పనంటూ వాదనకు దిగాడు. ఈ వయసులో ఆ పాడుబుద్ధి ఎందుకుపుట్టిందో తెలియదు కానీ ఆగ్రహంతో ఆమె చేయి విరగ్గొట్టేశాడు. ఈ దారుణ ఘటన కర్ణాటక రాజధాని బెంగళూరులో జరిగింది. ఆయనో రిటైర్డ్ సచివాలయ ఉద్యోగి కావడం గమనార్హం.

జయానగర్ ఏరియాకి చెందిన ఓ రిటైర్డ్ సచివాలయ ఉద్యోగి(75) భార్య(68) కలసి నివాసం ఉంటున్నాడు. గతేడాది వారి పై పోర్షన్‌లోకి ఓ యువకుడు ఫ్యామిలీతో అద్దెకు వచ్చాడు. అతనికి 34 ఏళ్లు. కొద్దికాలం బాగానే ఉన్నారు. ఇంతలో అద్దెకు ఉంటున్న యువకుడి భార్య ప్రసవం కోసం పుట్టింటికి వెళ్లింది. అప్పటి నుంచి కింద పోర్షన్‌లో ఉంటున్న బామ్మ అతనికి వంటలో సాయం చేస్తుండేది. అది గమనించిన పెద్దాయన మనసులో అనుమాన బీజం పడింది.

తన భార్య ఈ వయసులో అతనితో సంబంధం పెట్టుకుందని అనుమానించాడు. అదే పెనుభూతమై ఇద్దరి మధ్య వివాదానికి దారితీసింది. అతనితో ఏం సంబంధమని ఆయన భార్యని ప్రశ్నించాడు. కొడుకు లాంటి వాడు.. అతనితో నాకు సంబంధమేంటని కొట్టిపారేసింది. ఈలోగా లాక్‌డౌన్ రావడంతో ఇబ్బంది పడుతున్న యువకుడికి ఆమె సాయం చేయడం మొదలుపెట్టింది. అనుమానంతో రగిలిపోయిన పెద్దాయన భార్యతో గొడవకు దిగాడు. ఇద్దరి మధ్య తీవ్ర ఘర్షణ జరిగి ఆమె ఎడమ చేయి విరగ్గొట్టేశాడు.

Also Read: అత్తతో అల్లుడి రాసలీలలు.. మామకి తెలిసిపోవడంతో.. దారుణం

దీంతో ఆమె బెంగళూరు పోలీసులను ఆశ్రయించింది. పరిహార్ హెల్ప్‌లైన్‌కి ఫోన్ చేసి ఈ వయసులో నాపై అనుమానం పెంచుకుని చేయి విరగ్గొట్టాడని ఫిర్యాదు చేసింది. హెల్ప్‌లైన్ ప్రతినిధులు భార్యాభర్తలకు కౌన్సిలింగ్ ఇచ్చే ప్రయత్నం చేశారు. అయితే ఆమెకు కుర్రాడితో ఏదో సంబంధం ఉందని భర్త నొక్కి చెబుతుండడం ఆశ్చర్యాన్ని కలిగించింది. ఈ వయసులో ఆయనకు అంత అనుమానం ఎందుకు పడిందో తెలియక ఎలాగో నచ్చజెప్పే ప్రయత్నం చేస్తున్నారు.

Read Also: ప్రియుడితో పడకగదిలో రెచ్చిపోయిన కూతురు.. తల్లి చూసిందని..