3నెలలకే భర్తకు షాకిచ్చిన భార్య.. బంగారం, నగదుతో పరార్

పెళ్లి పేరుతో నాటకమాడిన ఓ మహిళ భర్త ఇంటిని మొత్తం దోచుకుని పరారైన ఘటన మధ్యప్రదేశ్‌లో వెలుగుచూసింది. ఉదయపూర్ జిల్లాలోని కురాబాద్ పోలీస్ స్టేషన్ ప్రాంతంలోని గుడ్లీ గ్రామానికి చెందిన ముఖేష్ సేథియాకు ఇండోర్‌కు చెందిన స్వప్న మిశ్రాతో మూడు నెలల క్రితం వివాహమైంది. పెళ్లిళ్ల బ్రోకర్‌ ద్వారా పరిచయమైన స్వప్నపై మనసు పారేసుకున్న ముఖేశ్ ఎలాగైనా ఆమెనే పెళ్లి చేసుకోవాలని నిర్ణయించుకున్నాడు. ఈ క్రమంలోనే ఆమె గురించి పూర్తి వివరాలు తెలసుకోకుండానే రూ.5లక్షలు ఎదురుకట్నం ఇచ్చి మరీ వివాహం చేసుకున్నాడు.

Also Read:ప్రఖ్యాత బీచ్‌లో అందరూ చూస్తుండగానే సెక్స్.. రష్యన్ జంటకు షాక్

ఈ క్రమంలోనే కొద్దిరోజుల క్రితం భార్య కనిపించకపోవడంతో ముఖేశ్ కంగారుపడ్డాడు. చుట్టుపక్కల ప్రాంతాల్లో వెతికినా ఆమె ఆచూకీ లభించకపోవడంతో పోలీసులకు ఫిర్యాదు చేశాడు. దీనిపై కేసు నమోదు చేసుకున్న పోలీసులు లోతుగా దర్యాప్తు చేయగా షాకిచ్చే విషయాలు బయటపడ్డాయి. ఆ యువతి ఓ ముఠా సభ్యురాలని, ధనవంతుల కొడుకులకు వలవేసి పెళ్లి చేసుకుని సొమ్ము దోచుకుని పారిపోతుంటుందని వెల్లడైంది. గతంలోనూ ఆ ముఠా అనేక మందిని ఇలాగే మోసం చేసినట్లు పోలీసులు చెప్పడంతో ముఖేశ్‌ లబోదిబోమంటున్నాడు.

Also Read: బ్యూటీపార్లర్‌ ముసుగులో వ్యభిచారం.. భార్యభర్తల అరెస్ట్, ఐదుగురు సెక్స్‌వర్కర్లకు విముక్తి

‘పెళ్లయినప్పటి నుంచి ఆమె నాతో సఖ్యతగా ఉండేది కాదు. ఇప్పటివరకు శారీరకంగా కలవలేదు. నేను దగ్గరకు వెళ్లిన ప్రతిసారీ ఏదొక కారణం చెప్పి తప్పించుకునేది. నాకు తెలియకుండా ఎవరితోనూ ఛాటింగ్ చేసేది. ఎవరని అడిగితే ఫ్రెండ్స్ అని చెప్పేది. తనపై నాకు ఎప్పుడూ అనుమానం రాకపోవడంతో వాటిని పట్టించుకోలేదు. కానీ నన్ను ఇంత మోసం చేస్తుందని అనుకోలేదు’ అంటూ బాధితుడు వాపోతున్నాడు. తన ఇంట్లోని బంగారు ఆభరణాలు, నగదును ఆ కిలేడీ దోచుకుపోయిందని పోలీసులకు ఫిర్యాదు చేశాడు.

Also Read: ‘దిశ’ నిందితుడు చెన్నకేశవులు తండ్రి మృతి.. మనవరాలు పుట్టిన కొద్దిరోజులకే