షాంపూకు డబ్బు అడిగినందుకు భార్యను చావబాదాడు

షాంపూ కొనడానికి డబ్బు అడిగిన పాపానికి భార్యను చావబాదాడో భర్త. గోడకేసి కొట్టి చిత్రహింసలు పెట్టాడు.. భర్త చేతిలో చావు దెబ్బలు తిన్న భార్య పోలీసుల్ని ఆశ్రయించింది. ఈ భర్తతో తాను వేగలేనంటూ మొర పెట్టుకుంది. దీంతో నిందితుడ్ని అరెస్ట్ చేసిన పోలీసులు కేసు నమోదు చేశారు. గుజరాత్‌లోని అహ్మదాబాద్‌ సమీపంలో జరిగిన ఈ దారుణం ఆలస్యంగా బయటపడింది.

బావ్లాకు చెందిన వ్యక్తి రైల్వేలో క్లర్క్‌గా పనిచేస్తున్నాడు. గత ఆదివారం షాంపూ కోసం ఆమె భర్తను డబ్బు అడిగింది. కోపంతో ఊగిపోయిన అతడు భార్యపై విరుచుపడ్డాడు. అకారణంగా ఆమెను చితకబాదాడు. జుట్టు పట్టుకొని గోడకేసి కొట్టాడు. దెబ్బలు తాళలేక వదిలేమయని వేడుకున్నా వదల్లేదు. భర్త దాడి నుంచి ఎలాగో తప్పించుకున్న బాధితురాలు.. తర్వాత 181 అభయ హెల్ప్‌లైన్‌కు ఫోన్ చేసి ఫిర్యాదు చేసింది. హెల్ప్‌లైన్ సభ్యులు భర్తకు కౌన్సిలింగ్ ఇచ్చినా పద్దతి మార్చుకోలేదు.. ఆమెను చిత్రహింసలకు గురి చేస్తూనే ఉన్నాడు.

భర్త వేధింపులు తట్టుకోలేని బాధితురాలు పోలీసులుకు ఫిర్యాదు చేసింది. కొద్దిరోజులుగా తనను టార్చర్ పెడుతున్నారని.. తన ఇద్దరు పిల్లల మొహం చూసి భరించానంది. ఇక అతడి వేధింపులు భరించలేక పోలీసులను ఆశ్రయించానంది. అత్తింటివారు కూడా తన భర్తకే వత్తాసు పలికారని బాధితురాలు వాపోయింది.
Read This Story In English