వంటింట్లో ఒంటరిగా కోడలు.. దుశ్శాసనుడిగా మారిన మామ

కన్నకూతురిలా చూసుకోవాల్సిన కోడలిపైనే కన్నేశాడో కీచకుడు. కొడుకు ఆఫీస్‌కి వెళ్లిపోయాక నెమ్మదిగా వంటింట్లోకి చొరబడ్డాడు. వంట పనుల్లో నిమగ్నమైన కోడలిపై నీచానికి ఒడిగట్టాడు. కామంతో కళ్లుమూసుకుపోయి కోరిక తీర్చమంటూ వేధింపులకు గురిచేశాడు. నిస్సహాయురాలి కేకలు విని మనవడు పరుగెత్తుకు రావడంతో ఆమె కామాంధుడి బారి నుంచి బయటపడింది. పోలీస్ స్టేషన్‌లో ఫిర్యాదు చేయడంతో విషయం వెలుగులోకి వచ్చింది. ఈ దారుణ ఘటన అహ్మదాబాద్‌లో జరిగింది.

నగరంలోని బాపు నగర్‌ ప్రాంతానికి చెందిన మహిళ(34) భర్త, అత్తమామలతో నివాసముంటోంది. ఏఎంసీలో ఉద్యోగి అయిన భర్త ఆఫీస్‌కి వెళ్లిపోయాడు. అత్త మొదటి అంతస్తులో నిద్రపోతోంది. కోడలిపై కన్నేసిన మామ వంటింట్లోకి చొరబడ్డాడు. వంట పనుల్లో ఉన్న కోడలితో అభస్యకరంగా ప్రవర్తించాడు. ఆమెను తాకుతూ ఇబ్బందులకు గురిచేశాడు. తన కోరిక తీర్చాలంటూ నీచానికి ఒడిగట్టాడు. కోడలు ప్రతిఘటించడంతో చంపేస్తానని బెదిరించి అఘాయిత్యానికి ప్రయత్నించాడు.

అంతటితో ఆగని దుర్మార్గుడు వంటింట్లోనే దుశ్శాసన పర్వానికి పాల్పడ్డాడు. కోడలి చీర పట్టుకుని లాగి అమానుషంగా వ్యవహరించాడు. మామ ప్రవర్తనతో భయపడిపోయిన కోడలు.. పెద్దగా కేకలు వేయడంతో ఆమె 15 ఏళ్ల కొడుకు పరుగున వచ్చాడు. ఎవరికైనా చెబితే ఆమెపైనే నిందలు వేస్తానని.. చంపేస్తాననని బెదిరించి అక్కడి నుంచి వెళ్లిపోయాడు. జరిగిన అవమానానికి కుంగిపోయిన బాధితురాలు పోలీసులను ఆశ్రయించింది. పోలీసులు కేసు నమోదు చేసి దర్యాప్తు చేస్తున్నారు.

Also Read: