ఆన్‌లైన్ షాపింగ్‌ సంస్థ మోసం.. ఆర్మీ జవాన్ ఆత్మహత్య

తక్కువ ధరకే కారు వస్తుందని చెప్పడంతో ఓ ఆర్మీ జవాన్ ఆన్‌లైన్‌లో బుక్ చేశారు. నిర్వాహకులు చెప్పినట్లే ఆన్‌లైన్‌లోనే నగదు సైతం చెల్లించేశారు. తర్వాత ఎన్ని రోజులకూ కారు రాకపోవడంతో వారిని ఆన్‌లైన్ నిర్వాహకులను ప్రశ్నించారు. త్వరలోనే వస్తుందని వారు నమ్మించారు. ఎంతకీ రాకపోవడంతో చివరకు తాను కట్టిన డబ్బు వెనక్కి ఇచ్చేయాలని కోరాడు. అయితే డబ్బు వెనక్క ఇచ్చేది లేదని, ఎవరికైనా చెప్పుకో.. అంటూ బెదిరింపులకు దిగారు. దీంతో ఆర్మీ జవాన్‌ అయినా తాననే మోసం చేశారనే మనస్తాపంతో ఆత్మహత్య చేసుకున్నారు.

Also Read: తరగతి గదిలోనే ఇంటర్ విద్యార్థిని మూత్ర విసర్జన.. స్నేహితులు నవ్వారని..!

ఈ ఘటన గతేడాది నవంబర్ నెలలో హైదరాబాద్‌లోని తిరుమలగిరిలో చోటుచేసుకుంది. ఈ-కామర్స్ సంస్థ ‘డీల్‌ఓథాన్ ఆన్‌లైన్ ప్రైవేట్ లిమిటెడ్’ అన్ని వస్తువులను తక్కువ ధరకే ఇస్తామని ప్రచారం చేసింది. దీంతో ఆకర్షితుడైన ఆర్మీ జవాన్‌గా పనిచేసే మధుకర్ సుందర్.. తక్కువ ధరకే కారు వస్తుందని ఆశపడి బుక్ చేశారు. తర్వాత ఆన్‌లైన్ ద్వారా రూ. 90 వేల నగదు ట్రాన్ఫర్ చేశారు. తర్వాత ఎన్ని రోజులకూ కారు రాకపోవడంతో కనీసం డబ్బు అయినా తిరిగి చెల్లించాలని మధుకర్ కోరారు.

Also Read: గ్రామ వలంటీర్ ఆత్మహత్య.. చావుబతుకుల మధ్య కాబోయే భార్య !

దీంతో అప్పటి నుంచి వెబ్ సైట్ నిర్వాహకులు స్పందించడం మానేశారు. దీంతో దేశం కోసం పోరాడే సైనికుడే మోసం చేశారని మనస్థాపానికి గురన మధుకర్.. తిరుమలగిరికి చేరుకుని ఆత్మహత్యకు పాల్పడ్డాడు. దీనిపై పోలీసులు కేసు నమోదు చేసి దర్యాప్తు చేపట్టారు. ఈ నేపథ్యంలో ఈ కేసులో ఏ1 అయిన కేంద్ర సింగ్‌ను, ఏ 2 అయిన రుచిసింగ్‌లను అరెస్ట్ చేశారు. అయితే అప్పటి నుంచి తప్పించుకుని తిరుగుతున్న ఏ 3 కుషాల్ పాల్ సింగ్‌ను శుక్రవారం సైబర్ క్రైమ్ పోలీసులు ఢిల్లీలోని నోయిడాలో అరెస్టు చేశారు. నిందితుని కోర్టులో హాజరు పరిచి, పూర్తిస్థాయి విచారణ చేపడతామని పోలీసులు చెప్పారు.

Also Read: ప్రియురాలు పెళ్లికి నిరాకరించిందని.. యువకుడి ఆత్మహత్య!