బస్సులో కండక్టర్ లైంగిక వేధింపులు.. దిమ్మతిరిగేలా బుద్ధి చెప్పిన యువతి

నిర్భయ చట్టం, దిశ చట్టం లాంటి చట్టాలెన్ని వచ్చినా ఆడ పిల్లల పట్ల అకృత్యాలు, వేధింపులకు ఫుల్ స్టాప్ పడటం లేదు. అమ్మాయి కనిపిస్తే చాలు మగాడిలోని మృగాడు బయటకు వస్తున్నాడు. బాధ్యతాయుతమైన కండక్టర్ ఉద్యోగంలో ఉన్న ఓ వ్యక్తి తన పక్క సీట్లో కూర్చున్న యువతితో అసభ్యకరంగా ప్రవర్తించాడు. తన చేతులతో ఆమె చేతులను నలిపేస్తూ.. తాక రాని చోట తాకడానికి ప్రయత్నించాడు. అమ్మాయి ఇబ్బంది పడుతున్నా.. చాలా సైలెంట్‌గా తన ‘పని’ చేసుకుపోవడానికి ట్రై చేశాడు.

Samayam Telugu 18 Feb 2020, 3:40 pm

bangalore young lady slaps ksrtc conductor for harassment took video — బస్సులో కండక్టర్ లైంగిక వేధింపులు.. దిమ్మతిరిగేలా బుద్ధి చెప్పిన యువతి

నిర్భయ చట్టం, దిశ చట్టం లాంటి చట్టాలెన్ని వచ్చినా ఆడ పిల్లల పట్ల అకృత్యాలు, వేధింపులకు ఫుల్ స్టాప్ పడటం లేదు. అమ్మాయి కనిపిస్తే చాలు మగాడిలోని మృగాడు బయటకు వస్తున్నాడు. బాధ్యతాయుతమైన కండక్టర్ ఉద్యోగంలో ఉన్న ఓ వ్యక్తి తన పక్క సీట్లో కూర్చున్న యువతితో అసభ్యకరంగా ప్రవర్తించాడు. తన చేతులతో ఆమె చేతులను నలిపేస్తూ.. తాక రాని చోట తాకడానికి ప్రయత్నించాడు. అమ్మాయి ఇబ్బంది పడుతున్నా.. చాలా సైలెంట్‌గా తన ‘పని’ చేసుకుపోవడానికి ట్రై చేశాడు.

బెంగళూరు నుంచి హసన్ వెళ్తుండగా..

కర్ణాటకలో చోటు చేసుకున్న ఈ ఘటన వివరాల్లోకి వెళ్తే.. కేఎస్ఆర్టీసీ బస్సులో బెంగళూరు నుంచి హసన్ వెళ్తున్న మహిళ పట్ల సదరు కండక్టర్ అసభ్యంగా ప్రవర్తించాడు. కండక్టర్ వికృత చేష్టలను తన ఫోన్లో వీడియో తీసిన బాధితురాలు.. మార్గం మధ్యలోనే బేలూరు క్రాస్ వద్ద శనివారం బస్సు దిగిపోయింది. వెళ్లిపోయే ముందు కండక్టర్ చెంప చెల్లుమనిపించింది.

మరుసటి రోజు బెంగళూరు వెళ్లి..

మరుసటి రోజు తల్లిదండ్రులు, స్నేహితులతో కలిసి బెంగళూరు వెళ్లి తనను వేధించిన కండక్టర్‌ను చితకబాదిన తర్వాత పోలీసులకు అప్పగించింది. అమ్మాయితో అసభ్యంగా ప్రవర్తించిన వ్యక్తిని ఈసుబు అలీ తల్లూర (33)గా గుర్తించారు. బెళగావికి చెందిన అతడు పుత్తూరు డిపోలో కండక్టర్‌గా పని చేస్తున్నాడు.

అరిస్తే నీ పరువే పోతుందని బెదిరించాడు

‘‘శనివారం ఉదయం బెంగళూరు యశ్వంతపురలో గోవర్ధన థియేటర్ సమీపంలో ఉదయం 8.45 గంటలకు బస్సు ఎక్కాను. రూ.194 పెట్టి టికెట్ కొనుగోలు చేశాను. బస్సు సోలూరు దగ్గరకు వెళ్లగానే కండక్టర్ నా దగ్గరకొచ్చి పక్క సీట్లో కూర్చున్నాడు. తర్వాత నన్ను అనుచితంగా తాకడం మొదలుపెట్టాడు. అరిస్తే నీ పరువే పోతుందని హెచ్చరించాడు. దీంతో అతడు చేస్తున్న పనిని ఫోన్లో రికార్డ్ చేశాను. నేను వీడియో తీస్తున్న విషయం గమనించిన అతడు.. నా ఫోన్ లాక్కొని, నంబర్ తీసుకున్నాడు. తనతో టచ్‌లో ఉండమని చెప్పాడు. బేలూరు క్రాస్ వద్దకు రాగానే నేను సీట్లో నుంచి పైకి లేచి అతడి చెంప చెల్లుమనిపించా. అనంతరం మరో బస్సులో హసన్ వెళ్లిపోయాను’’ అని 21 ఏళ్ల బాధితురాలు తెలిపింది.

Video-బస్సులో కండక్టర్ లైంగిక వేధింపులు.. షాకిచ్చిన యువతి

బస్సులో కండక్టర్ లైంగిక వేధింపులు.. షాకిచ్చిన యువతి

బస్సు దిగగానే తన వాళ్లను అలెర్ట్ చేసింది..

తను వేరే బస్సు ఎక్కగానే అమ్మానాన్నకు, స్నేహితులకు వీడియోను ఫార్వార్డ్ చేసిందని పోలీసులు తెలిపారు. ఆదివారం బెంగళూరు తిరిగొచ్చి.. రాత్రి పూట యశ్వంతపుర దగ్గర కండక్టర్‌ను పట్టుకొని చితకబాది మాకు అప్పగించారు అని పోలీసు అధికారొకరు తెలిపారు. ఈ ఘటన వెలుగు చూడటంతో.. కండక్టర్‌పై కేసు నమోదైంది. ఆర్టీసీ అధికారులు అతణ్ని సస్పెండ్ చేసి, అంతర్గత విచారణ జరుపుతున్నారు.