నిండు గర్భిణిని చంపేసిన యాచకుడు.. హైదరాబాద్‌లో దారుణం

హైదరాబాద్‌లో దారుణ ఘటన వెలుగుచూసింది. సికింద్రాబాద్ గాంధీ ఆస్పత్రి వద్దనిండు గర్భిణి దారుణ హత్యకు గురైంది. మద్యం తాగడానికి డబ్బులివ్వలేదని యాచకుడు నెలలు నిండిన భార్యని కిరాతకంగా హత్య చేశాడు. వివరాలు.. గాంధీ ఆస్పత్రి ఏరియాలో గౌతమ్, మహాలక్ష్మి భిక్షాటన చేస్తూ జీవిస్తున్నారు. మద్యానికి బానిసైన గౌతమ్ భార్యని మందు తాగేందుకు డబ్బులు అడిగాడు.

అందుకు ఆమె నిరాకరించడంతో నిండు గర్భిణి అన్న కనీస కనికరం లేకుండా దారుణంగా చంపేశాడు. రాత్రి సమయంలో భార్యను హత్య చేసి అక్కడి నుంచి పారిపోయాడు. విషయం తెలుసుకున్న పోలీసులు సంఘటనా స్థలానికి చేరుకొని మృతదేహాన్ని పోస్ట్ మార్టం నిమిత్తం ఉస్మానియా హాస్పిటల్‌కి తరలించారు. కేసు నమోదు చేసుకుని దర్యాప్తు చేపట్టారు.

Also Read: అప్పగింతల్లో వరుడికి షాక్.. ప్రియుడి చెంతకు వధువు, పెళ్లి బరాత్‌లో రచ్చరచ్చ