మద్యం తాగొద్దన్నందుకు భార్యపై కక్ష.. మరిగే నూనె పోసిన భర్త

కుటుంబ కలహాలతో ఓ భర్త కట్టుకున్న భార్యపై హత్యాయత్నానికి పాల్పడిన ఘటన మధ్యప్రదేశ్‌లో రాజధాని భోపాల్‌లో వెలుగుచూసింది. భీమ్‌నగర్‌‌కు చెందిన బంటీ శాక్య అనే వ్యక్తికి అదే ప్రాంతానికి చెందిన గీత(32)తో 2008లో వివాహమైంది. వీరికి ముగ్గురు పిల్లలున్నారు.

Also Read: పక్కింటి ఆంటీపై కన్నేసిన యువకుడు.. భర్తలేని సమయంలో మంచానికి కట్టేసి రేప్

లాక్‌డౌన్ సందర్భంగా కొద్దిరోజులుగా దంపతులిద్దరూ ఇంట్లోనే ఉంటున్నారు. ఈ సందర్భంగా మద్యం స్టాక్ తెచ్చుకున్న శాక్య రోజూ తాగి భార్యతో గొడవపడుతున్నాడు. మూడురోజులు ఇది మరింత శ్రుతి మించింది. బుధవారం రాత్రి కూడా శాక్య తాగొచ్చి భార్యతో గొడవపడ్డాడు. అనంతరం గీత పిల్లలతో ఓ గదిలో పడుకోగా.. అతడు మరో గదిలో పడుకున్నాడు. గురువారం తెల్లివారుజామున నిద్రలేచిన అతడు కిచెన్‌లో వంటనూనె వేడిచేసి భార్యపై పోసేశాడు. ఆమె కేకలు వేయడంతో కుటుంబసభ్యులందరూ మేల్కొన్నారు.

Also Read: కరోనా భయంతో దంపతుల ఆత్మహత్య... రాజమండ్రిలో కలకలం

ఆమె కేకలు విన్న స్థానికులు అక్కడికి చేరుకునేసరికి నిందితుడు పారిపోయాడు. తీవ్రంగా గాయపడిన గీతను స్థానికులు సమీపంలోని ఆస్పత్రికి తరలించారు. ఆమెకు 40శాతం గాయాలైనట్లు డాక్టర్లు తెలిపారు. ఈ విషయం తెలుసుకున్న జహంగీరాబాద్ పోలీసులు ఆస్పత్రిలో బాధితురాలి నుంచి వాంగ్మూలం తీసుకుని కేసు నమోదు చేసుకున్నారు. పరారీలో ఉన్న శాక్య కోసం గాలింపు చేపట్టారు.

Also Read: ప్రియుడి కారణంగా బిడ్డను కన్న వివాహిత.. శిశువును మూటకట్టి బావిలో పడేసి