మండపంలో షాకిచ్చిన వధువు.. పెళ్లి కొడుకుని బంధించి మరో యువకుడితో పెళ్లి

పెళ్లి కొడుకును బంధించి.. మరో వ్యక్తిని వధువు పెళ్లాడిన ఘటన ఉత్తర్‌ప్రదేశ్‌లో చోటుచేసుకుంది. సినీఫక్కీలో మలుపు తిరుగుతూ వచ్చిన ఈ ఘటనలో ఎన్నో ట్విస్టులు. ఉత్తరప్రదేశ్‌ బిజ్నూర్‌లోని నంగల్జాత్ గ్రామంలో ఘటన పూర్తి వివరాలిలా ఉన్నాయి.

Also Read: ప్రియుడితో కలిసి పెంపుడు తండ్రిని చంపి.. శవాన్ని ముక్కలుగా కోసి

నంగల్జాత్ గ్రామంలో ప్రేమించుకున్న యువతీయువకుడు కొద్దిరోజుల క్రితం జరిగిన సామూహిక వివాహాల్లో యువతీ యువకుడు పెళ్లి చేసుకున్నారు. ఆ తర్వాత వీరి ప్రేమను అంగీకరించిన పెద్దలు వైభవంగా వీరి పెళ్లి చేసేందుకు ఏర్పాట్లు చేశారు. శుక్రవారం 2 మధ్యహ్నాం గంటలకు వివాహం ముహూర్తం నిర్ణయించారు. పెళ్లి మండపానికి భారీ ఊరేగింపుతో బయలుదేరిన వరుడు రాత్రికి గానీ చేరుకోలేదు. దీంతో వధువుతో పాటు ఆమె తరుపు బంధువులు ఆగ్రహంతో రెచ్చిపోయారు.

Also Read: జనావాసాల్లో గుట్టుగా వ్యభిచారం.. ఓ సెక్స్‌వర్కర్, ముగ్గురు విటుల అరెస్ట్

పెళ్లికొడుకు, అతడి బంధువులను మండపంలోనే బంధించారు. పెళ్లకూతురు కోసం తెచ్చిన బంగారు ఆభరణాలు, చీరలను లాగేసుకున్నారు. ఇంతలో మనసు మార్చుకున్న వధువు పెళ్లికొడుకును చేసుకోనని చెప్పింది. దీంతో తల్లిదండ్రులు, ఊరి పెద్దలు చర్చలు జరిపి ఆమె పక్కింట్లో ఉండే ఓ యువకుడితో వివాహం జరిపించారు. పెళ్లికొడుకు తరపువారు తమ స్థోమతకు మించి కట్నం డిమాండ్ చేశారని, ఆ కోపంతోనే వారిని బంధించినట్లు వధువు బంధువులు చెబుతున్నారు. ఈ ఘటనపై తమకు ఎలాంటి ఫిర్యాదు రాలేదని పోలీసులు చెబుతున్నారు.

Also Read: హైదరాబాద్‌లో దారుణం.. రూ.35వేల బాకీ కోసం నడిరోడ్డుపై వెంటాడి గొంతుకోసి