కాసేపట్లో కూతురి పెళ్లి.. తండ్రి మృతి.. అనంతపురంలో విషాదం

పెళ్లి బాజాలు మోగాల్సిన పెళ్లింట రోడ్డు ప్రమాదం విషాదాన్ని నింపింది. కాసేపట్లో కూతురు పెళ్లి జరుగుతుందనగా తండ్రిని మృత్యువు బలితీసుకుంది. లారీ రూపంలో దూసుకొచ్చి పెళ్లి కూతురు తండ్రిని కబళించింది. ఈ అత్యంత విషాద ఘటన అనంతపురం జిల్లాలో చోటుచేసుకుంది. కర్నూలు నుంచి కొండాపురం వెళ్తున్న కారు గుత్తి మండలం జక్కలచెరువు వద్ద ప్రమాదానికి గురైంది.

ఆదివారం జరిగిన ఈ రోడ్డు ప్రమాదంలో పెళ్లి కుమార్తె తండ్రి దుర్మరణం చెందాడు. పెళ్లి కుమార్తెతో సహా కారులో వివాహానికి వెళ్తుండగా ఈ ప్రమాదం జరిగినట్లు తెలుస్తోంది. వేగంగా వచ్చిన లారీ వెనక నుంచి బలంగా ఢీకొట్టడంతో కారులో ప్రయాణిస్తున్న పెళ్లి కూతురు సహా ముగ్గురికి గాయాలయ్యాయి. తీవ్రగాయాలపాలైన తండ్రి ప్రాణాలు కోల్పోయాడు. క్షతగాత్రులను చికిత్స నిమిత్తం 108 వాహనంలో ఆస్పత్రికి తరలించారు. దీంతో పెళ్లింట తీవ్ర విషాదం నెలకొంది.

Also Read: తమిళనాడులో ‘ప్రేమిస్తే’ తరహా ప్రేమకథ.. ఊహకందని దారుణంAlso Read: అడుక్కుని కోట్లకు పడగలెత్తిన అత్త.. అద్దె కోడలికి కన్నుకుట్టి..