సెల్ఫీ పిచ్చి.. ప్రముఖ మోడల్ దుర్మరణం

సెల్ఫీ పిచ్చికి మరో ప్రాణం పోయింది. బ్రిటన్‌లోని లింకన్‌షైర్‌కు చెందిన ప్రముఖ వర్ధమాన మోడల్ మోడలిన్‌ డేవిస్‌ (21) 100 అడుగుల ఎత్తు నుంచి సముద్రంలో పడి మరణించింది. డేవిస్ తన మిత్రులతో కలిసి సెల్ఫీలకు ప్రసిద్ధి చెందిన ఆస్ట్రేలియాలోని ‘డైమండ్‌ బే రిజర్వ్‌’ పర్వతాలపైకి వెళ్లారు. సూర్యోదయ సమయంలో ఆ పర్వత ప్రాంతం ఎంతో చూడముచ్చటగా ఉంటుంది. దీంతో 100 అడుగుల ఎత్తున్న పర్వత శిఖరం ఎక్కి ఆమె సెల్ఫీ తీసుకుంటుండగా, ప్రమాదవశాత్తు కాలు జారి పక్కనున్న సముద్రంలో పడిపోయి మరణించారు.

Also Read: 120 కి.మీ. వేగంతో నయీం మేనకోడలు డ్రైవింగ్.. లారీని ఓవర్‌టేక్ చేయబోయి..

ఆదివారం ఉదయం జరిగిన ఈ ప్రమాదంపై సోమవారం సోషల్‌ మీడియాలో నివాళులు వెల్లువెత్తుతున్నాయి. డేవిస్ మరణాన్ని ఆమె కుటుంబ సభ్యులు సోమవారం ఉదయం ధ్రువీకరించారు. దీంతో రెండు దేశాలకు చెందిన నెటిజర్లు సోషల్‌ మీడియాలో ఆమె గురించే ఎక్కువ ప్రస్తావిస్తున్నారు. ‘బ్యూటీఫుల్‌ ఇన్‌సైడ్‌ అండ్‌ అవుట్‌సైడ్‌’ అంటూ ఆమెకు ఘనంగా నివాళులర్పిస్తున్నారు. కుటుంబ సభ్యులకు సానుభూతి తెలుపుతున్నారు.

Also Read: సినీ అవకాశాల కోసం వచ్చి.. నెల్లూరు యువతుల వ్యభిచారం! రేవ్‌పార్టీ కేసులో సంచలనాలు

డేవిస్ ప్రముఖ మోడలే కాక, ప్రపంచ దేశాలను తరచూ పర్యటిస్తుంటారు. ఇందులో భాగంగానే డేవిస్‌ ఏడుగురు ‘బ్యాక్‌ప్యాకర్‌’ మిత్రులతో కలిసి ఆస్ట్రేలియా వచ్చారు. వారంతా వాక్లూజ్‌లో శనివారం రాత్రి విందు నిర్వహించారు. అనంతరం వేకువజామున ఉదయం 6.30 గంటలకే అక్కడికి సమీపంలోని ‘డైమండ్‌ బే పర్వతం’ శిఖరాల మీదకు చేరుకున్నారు. అప్పుడే ఉదయిస్తున్న లేలేత కిరణాల మసక వెలుతురులో శిఖరాగ్రం చివరన సెల్ఫీ తీసుకునేందుకు ఆమె ప్రయత్నించింది. దీంతో కాలుజారి పక్కనున్న సముద్రంలో పడిపోయింది. దీంతో హెలికాప్టర్‌ ద్వారా ఆదివారం గాలించగా ఆమె మృతదేహం దొరికింది. కాగా, ఇదే ప్రాంతంలో గతేడాది ఆగస్టులో కూడా ఓ యువతి (27) సెల్ఫీ తీసుకోబోయి ప్రమాదవశాత్తు జారిపడి మరణించారు.

Also Read: ఎన్నారై భర్త వేధింపులు.. 2014లో ఇండియాలో వదిలేసి..