మాజీ డిప్యూటీ సీఎం కొడుకు, కోడలి దారుణ హత్య.. ఛత్తీస్‌గఢ్‌లో కలకలం

మధ్యప్రదేశ్ మాజీ డిప్యూటీ సీఎం ప్యారేలాల్ కన్వర్ కుటుంబ సభ్యులను గుర్తు తెలియని దుండగులు అతి కిరాతకంగా హత్య చేశారు. ఆయన కొడుకు, కోడలు, ఐదేళ్ల మనవరాలిని సైతం అత్యంత దారుణంగా హతమార్చడం తీవ్ర కలకలం రేపుతోంది. ఛత్తీస్‌గఢ్‌లోని కోర్బా జిల్లాలో ఈ ఘటన చోటుచేసుకుంది. మాజీ డిప్యూటీ సీఎం కొడుకు హరీష్ కన్వర్, కోడలు సుమిత్ర కన్వర్, మనవరాలు అశి కన్వర్(5)ను గుర్తు తెలియని దుండగులు పదునైన మారణాయుధాలతో నరికి చంపినట్లు కోర్బా ఎస్పీ అభిషేక్ మీనా తెలిపారు.

ఓ గ్రామంలో ముగ్గురి మృతదేహాలు లభ్యమయ్యాయని.. కేసు నమోదు చేసి దర్యాప్తు చేస్తున్నట్లు చెప్పారు. ఇప్పటికే పలువురు అనుమానితులను అదుపులోకి తీసుకుని ప్రశ్నిస్తున్నట్లు ఎస్పీ చెప్పారు. విషయం తెలుసుకున్న ఛత్తీస్‌గఢ్ సీనియర్ కాంగ్రెస్ నేత, రెవెన్యూ మంత్రి జైసింగ్ అగర్వాల్ సంఘటన స్థలానికి చేరుకున్నారు. పోలీసులను వివరాలు అడిగి తెలుసుకున్నారు. పూర్తి వివరాలు తెలియాల్సి ఉంది.

Also Read: