ఫ్రెండ్స్ ముందు అలా డ్యాన్స్ చేయమంటున్న భర్త.. సినీ నటికి లైంగిక వేధింపులు

చెన్నైలోని తూర్పు ముగప్పేర్‌కు చెందిన నటి(39) తన భర్తకు విడాకులిచ్చి విడిగా జీవిస్తోంది. ఆమెకు ఇద్దరు పిల్లలు సంతానం. సినిమాలు, టీవీ సీరియళ్లలో నటిస్తోంది. అలాగే షెనాయ్ నగర్‌లో ఓ యోగా శిక్షణ శాలను నిర్వహిస్తోంది. సినీ హీరో శివకార్తికేయన్ నటించిన సినిమాలో ఆమె నటించారు. అలా సినిమాల్లో నటిస్తున్న సమయంలో టెక్నీషియన్ శరవణన్ సుబ్రమణి(42)తో పరిచయమైంది. ఆ పరిచయం కాస్త రెండో పెళ్లి వరకూ వెళ్లింది.

Also Read: ‘నీ కూతురు, అల్లుడు తగలబడుతున్నారు.. చేతనైతే కాపాడుకో’ హంతకుడి ఫోన్

ఆమె కొత్త కాపురం కొద్దికాలం సాఫీగా సాగినా.. క్రమంగా వేధింపులు ప్రారంభమయ్యాయి. తన స్నేహితులను ఇంటికి తీసుకొచ్చి వాళ్ల ముందు డ్యాన్స్ చేయమని లైంగిక వేధింపులకు గురిచేశాడని సినీ నటి వాపోయింది. వేధింపులు తాళలేక ఆమె పోలీసులను ఆశ్రయించింది. రెండో భర్త శరవణన్ తనను లైంగికంగా హింసిస్తున్నాడని.. ఫ్రెండ్స్ ముందు డ్యాన్స్ చేయమని వేధిస్తున్నాడని ఫిర్యాదు చేసింది.

Read Also: మమ్మల్ని సుఖపెడితేనే నీకు ఉద్యోగం.. ఆ కోరిక తీర్చాలంటూ మహిళా ఉద్యోగికి వేధింపులు

శరవణన్‌కు అంతకు ముందే పెళ్లైందని.. ఇద్దరు పిల్లలు ఉన్నారని.. ఆ విషయం చెప్పకుండా తనను పెళ్లి చేసుకుని మోసం చేశాడని సినీ నటి ఫిర్యాదు చేసింది. తన నగలు, డబ్బులు కూడా కాజేశాడని ఆమె పేర్కొంది. ఇంటికొచ్చి తనను హింసించడమే కాకుండా తన ఇద్దరు పిల్లలను చావబాదుతున్నాడని ఆమె ఫిర్యాదు చేసింది. అంతేకాకుండా అతను మరో మహిళను కూడా వివాహం చేసుకున్నాడని.. ఆమెకు కూడా ఒక బిడ్డ పుట్టినట్లు తెలిసిందని ఆమె చెప్పింది.

Also Read: మనవరాలిని చంపేసిన తాతయ్య, నానమ్మ.. విజయవాడలో దారుణం

ఇద్దరి మధ్య గొడవలు జరుగుతున్న నేపథ్యంలో తన మొదటి భార్య ఆర్తితో కలిసి తనను సుపారీ గ్యాంగ్‌తో చంపేస్తామని బెదిరిస్తున్నారని సినీ నటి ఫిర్యాదు చేసింది. తనను మోసం చేసిన రెండో భర్త శరవణన్.. అతని మొదటి భార్య ఆర్తిపై చర్యలు తీసుకోవాలని కోరింది. అలాగే తనను హతమార్చేందుకు ఏర్పాటు చేసిన కిరాయి మనుషులపై కూడా చర్యలు తీసుకోవాలంటూ ఫిర్యాదు చేయడం చర్చనీయాంశమైంది.