పైకి బ్యూటీ పార్లర్.. లోపలేమో గలీజు పనులు
పుదుచ్చేరిలోని ముదలియార్‌పేట్‌లో భార్యభర్తలు ఓ బ్యూటీ పార్లర్‌ను నిర్వహిస్తున్నారు. ఇటీవల కాలంలో ఆ పార్లర్‌కు యువకుల తాకిడి పెరగడంతో పోలీసులకు అనుమానం వచ్చింది. దీంతో దానికి కొద్దిరోజులుగా నిఘా పెట్టారు. పక్కా సమాచారంతో శుక్రవారం అక్కడ రైడ్ చేయగా షాకింగ్ విషయాలు బయటపడ్డాయి.
మైనర్‌తో వ్యభిచారం..
బ్యూటీపార్లర్‌లో మైనర్ బాలికతో పాటు తమిళనాడుకు చెందిన నలుగురు మహిళలను పోలీసులు గుర్తించారు. ఈ దంపతులు ఇతర ప్రాంతాల నుంచి అమ్మాయిలను తీసుకొచ్చి వ్యభిచారం చేయిస్తున్నట్లు నిర్ధారించుకున్నారు. ఐదుగురు సెక్స్‌వర్కర్లను పునరావాస కేంద్రానికి తరలించారు. దంపతులతో పాటు రైడింగ్‌లో పట్టుబడిన ఓ విటుడిని అరెస్ట్ చేసి రిమాండ్‌కు తరలించారు. ప్రాంతీయ రవాణా కార్యాలయం సమీపంలోనే ఈ బ్యూటీపార్లర్‌ను నిర్వహిస్తుండటంతో అధికారులు ఉలిక్కిపడ్డారు.
దంపతుల అరెస్ట్..
సెక్స్ రాకెట్ నిర్వహిస్తున్న దంపతులను జయచంద్రన్(41), వనిశ్రీ(43)గా పోలీసులు గుర్తించారు. వీరు సులభంగా డబ్బు సంపాదించాలన్న ఆశతో వ్యభిచారం నిర్వహిస్తున్నట్లు సమాచారం. బాలికతో పాటు నలుగురు మహిళలను బలవంతంగా తీసుకొచ్చి వ్యభిచారం చేయిస్తున్నట్లు తెలిసింది. దీంతో పోలీసులు వారిపై వివిధ సెక్షన్లతో పాటు పోక్సో చట్టం కింద కేసు నమోదు చేసి దర్యాప్తు చేపట్టారు.
Also Read: గొంతును చీల్చి వ్యక్తి దారుణ హత్య.. అన్న ఆత్మే చంపిందంటున్న స్థానికులు