అక్రమ సంబంధం.. పెళ్లైన మూడో రోజునే పట్టించిన క్రెడిట్ కార్డు!

పెళ్లయిన మూడో రోజుకే అక్రమ సంబంధాన్ని క్రెడిట్ కార్డు పట్టించింది. వినడానికే వింతగా ఉన్న ఈ ఘటన గుజరాత్‌లోని గాంధీనగర్‌లో చోటుచేసుకుంది. వివాహమైన మూడో రోజునే ఆ ప్రబుద్ధుడు తన గర్ల్‌ఫ్రెండ్‌తో కలిసి రెస్టారెంట్‌కు వెళ్లాడు. ఆఫీస్ పని అంటూ నవ వధువుకు అబద్ధం చెప్పాడు. కానీ, అతడి క్రెడిట్ కార్డు బిల్లు అడ్డంగా బుక్ చేయించించింది. ఈ ఘటన వివరాలు ఇలా ఉన్నాయి..

గాంధీనగర్‌లో నివాసం ఉంటున్న ఓ యువకుడికి ఇటీవలే ఓ యువతితో వివాహం జరిగింది. పెళ్లికి ముందు నుంచే ఆ యువకుడు మరో అమ్మాయితో సంబంధం పెట్టుకున్నాడు. ఆమెతో చెట్టాపట్టాలేసుకొని తిరుగుతున్నాడు. సినిమాలకు, షికార్లకు వెళ్తున్నాడు. అయితే పెళ్లైన తర్వాత కూడా తన బుద్ధి మానుకోలేదు.

పెళ్లైన మూడో రోజునే సదరు యువకుడు ఆఫీస్‌లో పని నిమిత్తం బయటకి వెళ్తున్నానంటూ భార్యకు అబద్ధం చెప్పాడు. తన గర్ల్‌ఫ్రెండ్‌తో కలిసి ఎప్పటిలాగే ఓ రెస్టారెంట్‌కు వెళ్లాడు. భర్త ప్రవర్తనపై అనుమానం వచ్చిన ఆ ఇల్లాలు కొద్ది రోజుల తర్వాత అతడి క్రెడిట్ కార్డు బిల్లు చెక్ చేయగా.. అసలు గుట్టు రట్టయింది.

తన భర్త బయటకి వెళ్లిన రోజు ఓ రెస్టారెంట్‌లో బిల్లు కట్టినట్లు క్రెడిట్ కార్డు బిల్‌లో నవ వధువు గుర్తించింది. వెంటనే అనుమానం వచ్చి ఆ విషయాన్ని తన సోదరుడికి చెప్పింది. అతడు రెస్టారెంట్‌కు వెళ్లి విచారించగా.. సదరు వ్యక్తి ఆ రోజు మరో మహిళతో ఆ రెస్టారెంట్‌కు వచ్చినట్లు తేలింది. వెంటనే ఆ విషయాన్ని అతడు తన సోదరికి చెప్పాడు..

భర్త రంకు బాగోతం గుర్తించిన నవ వధువు.. ఆ విషయాన్ని తన అత్తమామల దృష్టికి తీసుకెళ్లగా.. వాళ్లు దాన్ని తేలిగ్గా తీసిపారేయడం గమనార్హం. తమ కుమారుడికి అవన్నీ సహజమే అన్నట్లు వాళ్లు మాట్లాడటంతో ఆమె షాక్‌కు గురైంది. ఎదురు ప్రశ్నించిన ఆమెను భర్త, అతడి తల్లిదండ్రులతో వేధించడం ప్రారంభించారు. కావాలంటే విడాకులు తీసుకొని వెళ్లిపోవచ్చని.. తన కుమారుడు మాత్రం తన ప్రవర్తన మార్చుకోడని తెగేసి చెప్పారు. దీంతో చేసేదేం లేక ఆ ఇల్లాలు మహిళా పోలీసులను ఆశ్రయించింది.

Read this in Gujarati