లాక్‌డౌన్‌‌తో తెలంగాణలో షాకింగ్ రిజల్స్ట్.. సగానికి పడిపోయిన క్రైమ్ రేట్

కరోనా లాక్‌డౌన్‌తో తెలంగాణలో షాకింగ్ రిజల్స్ట్ నమోదయ్యాయి. రాష్ట్రవ్యాప్తంగా నేరాల సంఖ్య భారీగా తగ్గిపోయింది. లాక్ డౌన్ అమలుతో క్రైమ్ రేట్ దాదాపు సగానికి పడిపోయింది. లాక్ డౌన్ ప్రారంభమైన మార్చి 22 నుంచి ఇప్పటి వరకు మర్డర్లు, అత్యాచారాల వంటి తీవ్ర నేరాలు, దొంగతనాలు, మిస్సింగ్ కేసులు గణనీయంగా పడిపోయాయి. అయితే వాటి స్థానంలో లాక్‌డౌన్ నిబంధనలు ఉల్లంఘించి రోడ్లపైకి వచ్చిన వాహనదారులపై పెట్టిన కేసులు మాత్రం 98 శాతం పెరగడం గమనార్హం.

లాక్‌డౌన్ ప్రకటించినప్పటి నుంచి నేటి వరకు తెలంగాణలో క్రైమ్ రేట్ 56 శాతానికి పడిపోయింది. మార్చి 1 నుంచి మార్చి 21 మధ్య తెలంగాణలో 48 హత్య కేసులు నమోదుకాగా.. మార్చి 22 నుంచి ఇప్పటి వరకూ 12 మర్డర్ కేసులు నమోదయ్యాయి. అయితే ఈ లాక్‌డౌన్ సమయంలో హైదరాబాద్ , ఆదిలాబాద్ , సూర్యాపేట్‌ జిల్లాల్లో ఎక్కువగా నేరాలు నమోదైనట్లు పోలీసు శాఖ గుర్తించింది.

Also Read: హత్యా? ఆత్మహత్యా? అపార్ట్‌మెంట్‌ పైనుంచి పడి యువతి..

రాష్ట్రంలో దొంగతనాలు భారీగా తగ్గాయి. చోరీ కేసులు సుమారు 94 శాతం పడిపోవడమే అందుకు నిదర్శనంగా చెప్పొచ్చు. కిడ్నాప్ కేసులు 90 శాతం, మిస్సింగ్ కేసులు 75 శాతం మేర తగ్గాయి. అయితే లాక్‌డౌన్ కేసులు మాత్రం భారగా పెరిగాయి. నిబంధనలు ఉల్లంఘించి బయటికొచ్చిన వారిపై నమోదైన కేసులు 98 శాతం పెరిగాయి.

Read Also: నలుగురి నరబలి.. కన్నతల్లినీ వేటాడి.. క్షుద్రపూజల పేరుతో ఉన్మాది మారణహోమం