కాలేజీలో కఠిన నిబంధనలు..
క్రాంతిగురు శ్యామ్‌జీ క్రిష్ణ వర్మ కచ్ యూనివర్సిటీకి అనుబంధంగా సహజానంద గర్ల్స్ ఇన్స్టిట్యూట్ నడుస్తోంది. ఆచారాలు, సంప్రదాయాల పేరిట ఇన్స్టిట్యూట్ యాజమాన్యం కొన్ని కఠిన నిబంధనలను అమలు చేస్తోంది. పీరియడ్స్ రోజుల్లో విద్యార్థినులు క్యాంపస్‌లో స్వేచ్ఛగా తిరిగేందుకు వీల్లేదు. వంటగది, పూజా మందిరం వైపు వెళ్లకూడదు. మిగిలిన విద్యార్థినులను తాకకూడదు. అందరికీ దూరంగా ఉండాలి.
Also Read: చెల్లెలిపై కామంతో రగిలిపోయిన అన్న.. ఎనిమిది నెలలుగా అదే పని.. చివరికి..
అమ్మాయిలపై ఫిర్యాదు..
అయితే కొందరు విద్యార్థినులు నిబంధనలను పాటించడం లేదని హాస్టల్ వార్డెన్ కాలేజీ ప్రిన్సిపాల్‌కు ఫిర్యాదు చేసింది. కిచెన్‌లో అమ్మాయిల శానిటరీ ప్యాడ్స్ పడి ఉన్నాయని.. పీరియడ్స్‌లో ఉండి కూడా పూజా మందిరం వైపు వెళ్తున్నారని చెప్పింది. దీంతో ఆగ్రహానికి గురైన ప్రిన్సిపాల్ విద్యార్థినులను తరగతి గది నుంచి పిలిపించింది.
విద్యార్థినులకు ఆ పరీక్ష
నేరుగా బాత్రూమ్‌కి వద్దకి తీసుకెళ్లి 68 మంది విద్యార్థులను వరుసగా నిలబెట్టింది. ఒక్కొక్కరిని లోపలికి పంపించి పీరియడ్స్‌లో ఉన్నారా? లేదా? అని పరీక్ష చేయించింది. బాత్రూమ్ లోపల బాలికల బట్టలిప్పించి.. అండర్ వేర్ కూడా తీసేసి మరీ తనిఖీలు చేసింది. అందులో ఇద్దరు పీరియడ్స్‌లో ఉన్నామని ముందుగానే చెప్పడంతో వారిని పక్కకు పిలిపించి చెడామడా తిట్టేసింది.
Read Also: ఆమెను మూడుసార్లు అమ్మేశారు.. వందల సార్లు గ్యాంగ్ రేప్.. కంటతడి పెట్టిస్తున్న ఓ అబల దీనగాథ
ఇంత దారుణమా.!
ఈ దారుణ ఘటన వెలుగులోకి రావడంతో తీవ్ర విమర్శలు వస్తున్నాయి. విద్యార్థులను ఆదర్శ సమాజం వైపు నడిపించాల్సిన విద్యాలయాలు.. ఇలా ఆచారాలు, సంప్రదాయాల పేరుతో దారుణంగా వ్యవహరించడంపై ఆగ్రహావేశాలు వ్యక్తమవుతున్నాయి. కళాశాలలు, యూనివర్సిటీల్లోనే విద్యార్థినులకు ఇలాంటి పరిస్థితి ఎదురవడం బాధాకరమని వ్యాఖ్యానిస్తున్నారు. అయితే యాజమాన్యం ఈ ఘటనను సమర్థించుకోవడం గమనార్హం.