‘హలో.. నేను అమిత్ షా’.. గవర్నర్‌కే ఐఏఎఫ్ అధికారి టోకరా!

ప్రస్తుతం దేశంలో అత్యంత ప్రభావశీలులైన వ్యక్తులు ఎవరంటే, టక్కున గుర్తొచ్చే పేర్లు.. ఒకరు ప్రధాన మంత్రి నరేంద్ర మోదీ, రెండు కేంద్ర హోం మంత్రి అమిత్ షా. ప్రధాని మోదీ పరిపాలనా వ్యవహారాల్లో తీరికలేకుండా ఉంటే.. హోం మంత్రి అమిత్ షా బీజేపీ వ్యవహారాలు, నియామకాల్లో బిజీగా గడుపుతుంటారు. దీంతో అమిత్ షా కంట్లో పడేందుకు దేశవ్యాప్తంగా ఎందరో పరితపిస్తుంటారు. కొందరైతే షా పేరు పరపతితో పదవులు, డబ్బు గుంజేందుకు దిగజారుతుంటారు. ఇటీవలే కొందరు కేటుగాళ్లు అమిత్ షా పేరు వాడుకుని సాక్షాత్తూ హర్యానా రాష్ట్ర మంత్రి రంజిత్‌సింగ్‌ చౌటాలానే బురిడీ కొట్టించాలని చూశారు. ఈ ఉదంతం మరువక ముందే ఈసారి ఏకంగా వాయసేన (ఐఏఎఫ్) అధికారి బరితెగించాడు.

Also Read: ‘అమిత్ షా అడగమన్నారు.. బీజేపీకి రూ. 3 కోట్ల ఫండ్ ఇవ్వండి’.. మంత్రికి ఝలక్!

తన స్నేహితుడికి వీసీ పదవి ఇప్పించేందుకు ఏకంగా తనను తాను కేంద్ర మంత్రి అమిత్‌ షాగా చెప్పుకొని మధ్యప్రదేశ్‌ గవర్నర్‌ను బురిడీ కొట్టించేందుకు ప్రయత్నించాడు. చివరకు ఆ అధికారి పోలీసులకు చిక్కాడు! పోలీసులు తెలిపిన వివరాల మేరకు.. దేశ రాజధాని డిల్లీకి చెందిన ఐఏఎఫ్‌ వింగ్‌ కమాండర్‌ కుల్‌దీప్‌ బఘేలాకు భోపాల్‌కు చెందిన చంద్రేశ్‌కుమార్‌ శుక్లా మిత్రుడు. అయితే శుక్లా మధ్యప్రదేశ్‌ మెడికల్‌ సైన్సెస్‌ యూనివర్సిటీ ఉపకులపతి పోస్టుకు దరఖాస్తు చేసుకున్నాడు.

Also Read: మంత్రినని చెప్పి ప్రభుత్వ గెస్ట్‌హౌస్‌లో రాచమర్యాదలు.. 12 రోజుల తర్వాత?

ఈ నేపథ్యంలో కుల్‌దీప్‌ ఇటీవల గవర్నర్‌ లాల్జీ టాండన్‌కు ఫోన్‌ చేశాడు. తాను అమిత్‌ షాను మాట్లాడుతున్నానని, యూనివర్సిటీ వైస్ చాన్స్‌లర్‌గా తన వ్యక్తిగత సహాయకుడు శుక్లాను నియమించాలని సూచించాడు. దీనిపై అనుమానం వచ్చిన గవర్నర్‌ కార్యాలయ అధికారులు.. ఈ విషయాన్ని హోం మంత్రి అమిత్ షా కార్యాలయ దృష్టికి తీసుకెళ్లారు. కార్యాలయ అధికారులు అమిత్ షా ఎవరికీ కాల్ చేయలేదని సమాధానం వచ్చింది. దీంతో ఈ ఫోన్‌ కాల్‌పై విచారణ చేపట్టిన పోలీసులు నిందితులను అరెస్టు చేశారు.

Also Read: హైదరాబాద్‌లో చంబల్‌ లోయ ముఠా.. పనోళ్లుగా ఇళ్లలో చేరి..