తాగుబోతు కొడుకుని భరించలేక తల్లి ఆత్మహత్య.. బావిలో దూకి కొడుకు కూడా

తాగుడు అలవాటుకు రెండు నిండు ప్రాణాలు గాల్లో కలిసిపోయాయి. మద్యానికి బానిసైన కుమారుడిని మార్చుకోలేక మనస్తాపంతో ఓ మహిళ ఉరేసుకొని ఆత్మహత్య చేసుకుంది. తల్లి మరణవార్త విన్న కుమారుడు తట్టుకోలేక బావిలో దూకి బలవన్మరణానికి పాల్పడ్డాడు. తమిళనాడులోని ఈరోడ్‌ జిల్లా పెరుందురై సమీపంలోని కరండిపాళ్యం గ్రామానికి చెందిన రుక్మిణి(70) కుమారుడు ముత్తుస్వామితో కలిసి ఉంటున్నారు. వయసు మీరినా కూడా ముత్తుస్వామికి వివాహం కాకపోవడంతో మద్యానికి బానిసయ్యాడు.

Also Read: పరాయి వ్యక్తితో శృంగారం.. భార్య, ప్రియుడిని నరికి చంపిన భర్త

బీపీ, షుగర్, ఫిట్స్ వ్యాధులతో బాధపడుతున్న తల్లిని కూడా పట్టించుకోకపోకుండా ఆస్తులను అమ్మకుంటూ ముత్తుస్వామి రోజూ మద్యం మత్తులోనే ఉండేవాడు. ఎన్నిసార్లు నచ్చజెప్పినా కొడుకులో మార్పు రాకపోవడంతో మనస్తాపం చెందిన రుక్మిణి మంగళవారం ఇంట్లోనే ఉరేసుకుని ఆత్మహత్య చేసుకుంది. మద్యం మత్తులో ఇంటికి వచ్చిన ముత్తుస్వామి తల్లి మృతదేహాన్ని చూసి దిగ్భ్రాంతి చెందాడు.

Also Read: సైకోలా మారిన ప్రియుడు.. వేధింపులు తట్టుకోలేక యువతి ఆత్మహత్య

తల్లి ఇకలేదనే ఆవేదనతో బావిలో దూకి ఆత్మహత్య చేసుకున్నాడు. తెల్లవారుజామున పాలు తీసుకునేందుకు ఇంటికి వచ్చిన బంధువులు ఉరికి విగతజీవిగా వేలాడుతున్న రుక్మిణిని చూసి కన్నీరుమున్నీరయ్యారు. వారి సమాచారంతో అక్కడికి చేరుకున్న పోలీసులు రుక్మిణి మృతదేహాన్ని పోస్టుమార్టం నిమిత్తం ఆస్పత్రికి తరలించారు. దర్యాప్తులో ముత్తుస్వామి కూడా ఆత్మహత్య చేసుకున్నట్లు తెలుసుకుని అగ్నిమాపక సిబ్బంది సాయంతో బావిలో నుంచి అతడి మృతదేహాన్ని బయటకు తీశారు. ఒకేరోజు తల్లి, కుమారుడు ఆత్మహత్య చేసుకోవడం స్థానికులను కలచివేసింది.

Also Read: చిచ్చురేపిన కులం.. పురుగులమందు తాగిన ప్రేమజంట, యువకుడి మృతి