రెండు నెలల పాప చేయి నరికేసిన కిరాతకుడు... ఒడిశాలో దారుణం

మద్యం మత్తులో ఉన్న ఓ యువకుడు రెండు నెలల శిశువు చేతిని నరికేసిన దారుణ ఘటన ఒడిశాలోని బాలేశ్వర్‌ జిల్లా అవుపడ పోలీస్‌స్టేషన్ పరిధిలోని పైకపడ గ్రామంలో జరిగింది. పంకజ్‌ అనే వ్యక్తి మంగళవారం సాయంత్రం తన ఇంటి వరండాలో 2 నెలల కుమార్తెతో కలిసి కుర్చీలో కూర్చున్నాడు. పక్కింట్లో ఉండే గణేష్‌ అనే యువకుడు తప్పతాగి వచ్చి అతడితో అకారణంగా గొడవ పడ్డాడు.

Also Read: సుఖాంతమైన వివాహిత అదృశ్యం కేసు.. ఆత్మహత్యకు యత్నించి, మనసు మార్చుకుని

ఇద్దరి మధ్య వాగ్వాదం పెరగడంతో ఆవేశానికి గురైన గణేష్ ఇంట్లో నుంచి కత్తి తెచ్చి పంకజ్‌తో పాటు పసిపాపపై దాడి చేశాడు. ఈ ఘటనలో పంకజ్ చేతికి తీవ్ర గాయం కాగా.. చిన్నారి చేయి శరీరం నుంచి తెగిపడింది. వెంటనే స్పందించిన స్థానికులు బాధితులను సమీపంలోని ఆస్పత్రికి తరలించారు. పరిస్థితి విషమంగా ఉండటంతో అక్కడి నుంచి కటక్ కేంద్ర ఆస్పత్రికి తీసుకెళ్లారు. నిందితుడు గణేష్‌పై కేసు నమోదు చేసి దర్యాప్తు చేపట్టారు.

Also Read: ప్రియురాలితో ముచ్చట్లు.. యువకుడికి కత్తిపోట్లు.. అసలేం జరిగిందంటే