తనను కొట్టాడని భర్తను బీరు సీసాతో పొడిచి చంపేసిన సినీ నటి

తనపై చేయి చేసుకున్నాడన్న కోపంతో ఓ సినీనటి భర్తను కిరాతకంగా చంపేసిన ఘటన ఈజిప్టు్లో జరిగింది. అబీర్ బేబార్స్(29) అనే సినీనటి ఈజిప్టు రాజధాని కైరోకు సమీపంలో ఉంటే అల్ బసతీన్ ప్రాంతంలో భర్తతో కలిసి జీవిస్తోంది. ఆమె భర్త అనేక వ్యాపారాలు చేస్తున్నాడు. కొంతకాలంగా దంపతుల మధ్య తరుచూ గొడవలు జరుగుతున్నాయి. ఈ నేపథ్యంలోనే మూడు రోజుల క్రితం వారిద్దరు మరోసారి గొడవపడ్డారు. దీంతో అబీర్‌పై భర్త చేయి చేసుకున్నాడు.

Also Read: ఉద్యోగాల పేరుతో మహిళల నిలువు దోపిడీ... విశాఖలో కేటుగాడు అరెస్ట్

దీంతో కోపోద్రిక్తురాలైన ఆమె బీరు సీసా పగులగొట్టి భర్త పొట్టలో విచక్షణా రహితంగా పొడిచింది. తీవ్ర రక్తస్రావమైన అతడిని తానే స్వయంగా హాస్పిటల్‌కు తరలించింది. తన భర్త ప్రమాదవశాత్తూ సీసాపై పడటంతో కడుపుతో గుచ్చకుందని డాక్టర్లకు మాయమాటలు చెప్పింది. అతడు చికిత్స పొందుతూ చనిపోవడంతో సమాచారం అందుకున్న పోలీసులు విచారణ చేపట్టారు. అబేర్‌ను విచారించగా తొలుత కట్టుకథ అల్లే ప్రయత్నం చేసింది. కానీ పోలీసులు లోతుగా విచారించడంతో తానే భర్తను చంపినట్లు అంగీకరించింది. దీంతో పోలీసులు ఆమెను కోర్టులో హాజరు పరిచి అనంతరం రిమాండ్‌కు తరలించారు.

Also Read: శంషాబాద్: ఇంట్లో ఒంటరిగా ఉన్న బాలికపై యువకుడి అఘాయిత్యం