ట్రక్కుని ఢీకొట్టిన కారు.. ఇద్దరు డ్రైవర్లు సహా ఐదుగురి దుర్మరణం

ట్రక్కుని కారు ఢీకొట్టిన ఘటనలో ఐదుగురు మరణించిన విషాద ఘటన చోటుచేసుకుంది. అర్ధరాత్రి వేళ అతివేంగా వచ్చిన కారు ట్రక్కుని బలంగా ఢీకొట్టడంతో డు వాహనాల డ్రైవర్లు సహా ఐదుగురు దుర్మరణం చెందారు. ఈ ఘోర ప్రమాదం గుజరాత్‌లోని సురేంద్రనగర్ జిల్లాలో అహ్మదాబాద్ హైవేపై జరిగింది.

జంకంబాలియా గ్రామానికి చెందిన కుటుంబం గాంధీనగర్ వెళ్లేందుకు కారులో బయల్దేరింది. అహ్మదాబాద్ హైవేపై ప్రయాణిస్తుండగా అర్ధరాత్రి సమయంలో కారు ప్రమాదానికి గురైంది. వేగంగా వెళ్తున్న కారు బలంగా ట్రక్కుని ఢీకొట్టడంతో ఐదుగురు ప్రాణాలు కోల్పోయారు. నలుగురు అక్కడికక్కడే మరణించగా మరొకరు తీవ్రగాయాల పాలై ఆస్పత్రిలో చికిత్స పొందుతూ చనిపోయారు.

Also Read: మద్యం దొరక్క కూల్‌డ్రింక్‌లో షేవింగ్ లోషన్.. ఇద్దరు యువకులు మృతి.. తీవ్ర విషాదం

ఐదుగురిలో ముగ్గురు ఒకే కుటుంబానికి చెందిన వారు కాగా మిగిలిన ఇద్దరు ప్రమాదానికి గురైన వాహనాల డ్రైవర్లు. ప్రమాద విషయం తెలుసుకున్న లింబ్డి పోలీసులు సంఘటన స్థలానికి చేరుకుని సహాయక చర్యలు చేపట్టారు. కేసు నమోదు చేసి దర్యాప్తు చేస్తున్నారు. పూర్తి వివరాలు తెలియాల్సి ఉంది.