ఫోన్ లిఫ్ట్ చేయని ప్రియురాలు.. పిచ్చెక్కిపోయిన ప్రియుడు.. దారుణం

లాక్‌డౌన్‌ కారణంగా ప్రియురాలిని కలవలేకపోయిన ప్రియుడు పిచ్చెక్కిపోయాడు. చివరికి ఆమె ఫోన్ కూడా లిఫ్ట్ చేయకపోవడంతో ఆగ్రహానికి గురై బిల్డింగ్ పైనుంచి దూకేసిన ఘటన తమిళనాడులో చోటుచేసుకుంది. చెన్నైలోని కొరుక్కుపేట్ ప్రాంతానికి చెందిన ఆటో డ్రైవర్ దురై(22) అదే ప్రాంతానికి చెందిన యువతిని ప్రేమించాడు. కరోనా లాక్‌డౌన్ కారణంగా ప్రియురాలిని కలుసుకోవడం కుదర్లేదు. ఫోన్‌లోనే కబుర్లు చెప్పుకునేవారు.

సడెన్‌గా ప్రియురాలు మాట్లాడడం మానేసింది. ఎన్నిసార్లు ఫోన్ చేసినా ఎత్తకపోవడంతో దురై తీవ్ర మనస్థాపానికి గురయ్యాడు. ప్రియురాలు తనను దూరం పెడుతోందని భావించి జీవితంపై విరక్తి పెంచుకున్నాడు. తాను నివాసముంటున్న బిల్డింగ్ మూడో అంతస్తు పైనుంచి అమాంతం దూకేయడంతో కాళ్లు, చేతులు, శరీరంపై గాయాలయ్యాయి. గమనించిన స్థానికులు వెంటనే అతన్ని ఆస్పత్రికి తరలించారు. ఐసీయూలో ఉంచి చికిత్స అందిస్తున్నారు. సమాచారం అందుకున్న పోలీసులు సంఘటన స్థలానికి చేరుకుని వివరాలు సేకరించారు. దురై నుంచి స్టేట్‌మెంట్ రికార్డు చేసుకుని అతని సెల్‌ఫోన్ స్వాధీనం చేసుకున్నారు. కేసు విచారణలో ఉంది.

Also Read: B.tech Exams: గుండ్రటి హ్యాండ్ రైటింగ్.. వందశాతం జవాబులు.. తీగలాగితే దిమ్మతిరిగే షాక్