మరో యువతితో ప్రియుడి నిశ్చితార్థం.. మనస్తాపంతో గ్రామ వాలంటీర్‌ ఆత్మహత్య

ప్రేమ విఫలమై మహిళా వలంటీర్‌ ఆత్మహత్య చేసుకున్న ఘటన అనంతపురం జిల్లాలో కలకలం రేపింది. గుత్తి మున్సిపాలిటీలోని చెట్నేపల్లి ఒకటో బ్లాక్‌ వార్డులో వాలంటీర్‌గా పనిచేస్తున్న రమా భార్గవి(23) ఆదివారం పురుగుల మందు తాగి ఆత్మహత్య చేసుకుంది.

Also Read: అర్ధరాత్రి వివాహితపై ప్రియుడి అఘాయిత్యం.. పోలీసులకు పట్టించిన 11 ఏళ్ల కొడుకు

రమా భార్గవి అదే గ్రామానికి చెందిన బైక్‌ మెకానిక్‌ ఇమామ్‌ హుస్సేన్‌‌ నాలుగేళ్లుగా ప్రేమించుకుంటున్నారు. పెళ్లి చేసుకోవాలని నిర్ణయించుకుని షికార్లుకు తిరిగేవారు. ఈ క్రమంలోనే 10 రోజుల క్రితం హుస్సేన్ మరో యువతితో నిశ్చితార్థం చేసుకున్నాడు. ఈ విషయం తెలిసినప్పటి నుంచి భార్గవి మనస్తాపానికి గురైంది. ప్రేమించిన వ్యక్తిని పెళ్లి చేసుకోలేకపోతున్నానని మదనపడింది. దీంతో ఆదివారం ఇంట్లో ఎవరూలేని సమయంలో పురుగుల మందు తాగేసింది.

Also Read: ప్రేమించి పెళ్లాడిన నాలుగు నెలలకే యువతి ఆత్మహత్య.. భర్తపై అనుమానం

కాసేపటి తర్వాత ఆమెను గమనించిన కుటుంబసభ్యులు గుత్తి ప్రభుత్వాసుపత్రికి తరలించారు. పరిస్థితి విషమించడంతో అనంతపురంలోని ప్రైవేటు ఆస్పత్రికి తరలించగా చికిత్స పొందుతూ ప్రాణాలు కోల్పోయింది. భార్గవి కుటుంబసభ్యుల ఫిర్యాదు మేరకు గుత్తి పోలీసులు కేసు నమోదు చేసుకుని దర్యా్ప్తు చేపట్టారు.

Also Read: కరీంనగర్‌లో విషాదం.. బైక్ కాల్వలోకి దూసుకెళ్లి భార్య మృతి.. ఆస్పత్రిలో భర్త