గుంటూరులో మహిళ కిరాతకం.. ఇద్దరితో అఫైర్ పెట్టుకుని కన్నబిడ్డలకు చిత్రహింసలు

పోలీసుల కథనం ప్రకారం.. నరసరావుపేటకు చెందిన దంపతులకు ఇద్దరు కుమారులున్నారు. 2014లో నాయనమ్మ చనిపోగా.. 2015లో తండ్రి కూడా అనారోగ్యంతో మృతిచెందాడు. తండ్రి, నాయనమ్మ బతికున్నంత వరకు తల్లి ఇద్దరు కొడుకులను బాగానే చూసుకునేది. కానీ తర్వాతే వారిద్దరికి నరకం మొదలైంది.

తల్లి షేక్‌ రహీం అనే వ్యక్తితో అక్రమ సంబంధం పెట్టుకుంది. ఒక్కడితో చాలక రహీం ఫ్రెండ్ ప్రమోద్‌తోనూ అఫైర్ పెట్టుకుంది. ఇద్దరూ ఎక్కువ సమయం ఆమె ఇంట్లోనే ఉంటూ రాసలీలలు కొనసాగించేవారు. మద్యం మత్తులో ఇద్దరు పిల్లలను తీవ్రంగా హింసించేవారు. పిల్లలను బయటికి పంపిస్తే తన బంఢారం ఎక్కడ బయట పడుతుందోనన్న ఉద్దేశంతో ఆ మహిళ వారిని ఏడాదిగా స్కూల్‌కి పంపడం లేదు.

ఈ నెల 24న ఆమెకు, ప్రమోద్‌కు గొడవ జరిగింది. దీంతో మీ వల్లే నా ప్రియుడితో గొడవ జరిగిందంటూ ఆ తల్లి పిల్లలను చావబాదింది. దీంతో ఇద్దరు బాలురు ఇంటి నుంచి బయటకు వచ్చి తెలిసిన వారి వద్ద రూ.100 తీసుకుని అమ్మమ్మ దగ్గరకు చేరారు. ఆమె సాయంతో సోమవారం గుంటూరు పోలీస్ కార్యాలయానికి వచ్చి స్పందన కార్యక్రమంలో ఫిర్యాదు చేశారు.

‘తమను చిత్ర హింసలు పెట్టడంతో పాటు చదివించకుండా, తిండి పెట్టకుండా వెట్టిచాకిరి చేయించిన తల్లిపైనా, ఆమె ప్రియులైన రహీం, ప్రమోద్‌లపై చట్ట ప్రకారం చర్యలు తీసుకోవాలి. వారి నుంచి మాకు ప్రాణ రక్షణ కల్పించాలి’ అని ఆ ఇద్దరు చిన్నారులు పోలీసులను వేడుకున్నారు. ఈ ఘటనపై సమగ్ర దర్యాప్తు చేసి న్యాయం చేస్తామని పోలీసులు వారికి హామీ ఇచ్చారు.