కొరియర్ బాయ్ ఆత్మహత్య.. యువతి మోసం చేసిందా?

ప్రేమలో విఫలమై మరో యువకుడు బలవన్మరణానికి ఒడిగట్టాడు. ప్రియురాలు దక్కదనే మనస్తాపంతో చిన్న వయసులోనే ఆత్మహత్యకు పాల్పడ్డాడు. హైదరాబాద్‌లోని సనత్ నగర్ పోలీస్ స్టేషన్ పరిధి శివాజీనగర్‌లో ఈ ఘటన వెలుగులోకి వచ్చింది.

పోలీసులు తెలిపిన వివరాల మేరకు.. శివాజీనగర్‌లో నివాసముండే వినోద్ (22) గత కొంతకాలంగా ఓ కార్యాలయంలో కొరియర్ బాయ్‌గా పని చేస్తున్నాడు. ఈ నేపథ్యంలో స్థానికంగా పనిచేసే ఓ యువతితో పరిచయం ఏర్పడింది. పరిచయం కాస్తా ప్రేమకు దారి తీసింది. అయితే ప్రేమ వ్యవహారం వివాదమైనట్లు తెలుస్తోంది.

Also Read: భార్య కనీస విలువ ఇవ్వడంలేదని.. గోడపై పేర్లు రాసి..

దీంతో శుక్రవారం రాత్రి ఇంట్లో తలుపుకు గడియ వేసుకున్న వినోద్ తర్వాత బయటకు రాలేదు. స్నేహితులు ఫోన్ చేసినా స్పందించలేదు. దీంతో అనుమానం వచ్చి కిటికీ బయటి నుంచి నుంచి ఆపస్మారస్థితిలో పడి ఉన్నాడు. దీంతో పోలీసులకు సమాచారం ఇవ్వగా వారు అక్కడి చేరుకున్నారు. వెంటనే వినోద్‌ను స్థానిక ఆస్పత్రికి తరలించగా పరీక్షించిన వైద్యులు అప్పటికే మృతి చెందినట్లు ధ్రువీకరించారు. దీనిపై కేసు నమోదు చేసుకుని దర్యాప్తు చేస్తున్నట్లు సనత్‌ నగర్ పోలీసులు వెల్లడించారు. దీనికి సంబంధించి పూర్తి వివరాలు తెలియాల్సి ఉంది.

Also Read: వివాహితతో అక్రమ సంబంధం.. ఆమె కూతురిపైనా కన్నేశాడు.. చివరకు