పెళ్లి చేసుకుంటానని నమ్మించి.. వివాహితతో కోరిక తీర్చుకుని

భర్తకు దూరంగా ఇద్దరు పిల్లలతో కలిసి ఉంటున్న వివాహితను నమ్మించి మోసం చేసిన యువకుడిని హైదరాబాద్ మల్కాజ్‌గిరి పోలీసులు అరెస్ట్ చేశారు. నాచారం ప్రాంతానికి చెందిన ఓ మహిళకు కొన్నేళ్ల కిత్రం వివాహమైంది. ఐదేళ్ల బాబు, మూడేళ్ల కుమార్తె ఉన్నారు. నాలుగు నెలలుగా తరుచూ అనుమానిస్తూ శారీరకంగా, మానసికంగా హింసించడంతో భరించలేక పిల్లలతో మూడు నెలల క్రితం పుట్టింటికి వచ్చేసింది.

Also Read: తల్లిదండ్రుల చెంతకు చేరిన బాలుడు.. పోలీసులకు థ్యాంక్స్ చెప్పిన పేరెంట్స్

ఉత్తరప్రదేశ్‌ బరేలీ ప్రాంతానికి చెందిన ఆఫన్‌(19) వంట పనులు చేసుకుంటూ జవహర్‌నగర్‌లో నివసిస్తున్నాడు. ఇద్దరూ ఫేస్‌బుక్ ద్వారా పరిచయమయ్యారు. ఇటీవల ఆమె జవహర్‌నగర్‌లోని ఓ ఇంట్లో పనికి కుదిరింది. దీంతో ఆఫన్ తరుచూ ఆ ఇంటికి వచ్చిన ఆమెను కలుస్తున్నాడు. ఈ క్రమంలోనే ఆమెతో లైంగిక సంబంధం పెట్టుకున్నాడు. ఈ విషయాన్ని గుర్తించిన ఇంటి యజమాని, స్థానికులు నిలదీయగా పెళ్లి చేసుకుంటానని చెప్పాడు.

Also Read: మూగజీవాలనూ వదలని కామాంధులు.. ఆవును రేప్ చేసి కిరాతకంగా చంపేశారు

అయితే ఆ రోజు నుంచి ఆఫన్ ఆమెను కలవడం మానేశాడు. ఫోన్ చేస్తే ఎత్తకపోవడం, తప్పించుకుని తిరుగుతుండటంతో మోసపోయానని గ్రహించిన బాధితురాలు శనివారం పోలీసులకు ఫిర్యాదు చేసింది. దీంతో మల్కాజ్‌గిరి పోలీసులు కేసు నమోదు చేసుకుని బుధవారం నిందితుడిని అరెస్ట్ చేశారు.

Also Read: నిద్రమాత్రలు మింగిన ముగ్గురు డిగ్రీ విద్యార్థినులు... ఆ వేధింపులే కారణమంటూ వాంగ్మూలం