గల్ఫ్‌లో భారతీయుడి నీచమైన చర్య.. పోలీసులేం చేశారంటే?

గల్ఫ్ దేశమైన యూఏఈలోని ఓ షాపింగ్ మాల్‌లో సిరియా మహిళపై భారతీయుడు లైంగిక వేధింపులకు పాల్పడ్డాడు. దీంతో నిందితుడిని అదుపులోకి తీసుకున్న పోలీసులు శనివారం దుబాయ్ కోర్టులో హాజరుపరిచారు. గల్ఫ్ వార్తా పత్రికలు తెలిపిన వివరాల ప్రకారం.. ఈ ఏడాది ఆగస్టులో బాధిత మహిళ (35) తన పిల్లలకు బొమ్మలు కొనేందుకు స్థానికంగా ఉండే డ్రాగన్ మార్ట్‌కు వెళ్లింది. ఆ సమయంలో అదే మార్ట్‌కు వచ్చిన భారత వ్యక్తి (33) ఆ మహిళను అనుసరించాడు.

Also Read: ఆశ్రయమిచ్చిన యజమాని తొమ్మిదేళ్ల కూతురిపై రేప్!

ఆమె ఎక్కడికి వెళ్తే అక్కడికి వెళ్లాడు. అనంతరం ఆమె పట్ల అసభ్యంగా ప్రవర్తించడం మొదలెట్టాడు. తర్వాత ఆమె వెనుక భాగంలో తాకరాని చోట తాకడం చేశాడు. దీంతో భయపడిపోయిన బాధితురాలు మార్ట్‌లోని గంట మోగించింది.

అలారం మోగడంతో వెంటనే మార్ట్ సిబ్బంది, మిగతా కస్టమర్లు ఆమె చుట్టూ గుమిగూడారు. వారితో ఆమె జరిగిన విషయం చెప్పింది. దీంతో మార్ట్ సిబ్బంది పోలీసులకు సమాచారం అందించారు. వెంటనే అక్కడికి చేరుకున్న పోలీసులు నిందితుడిని అదుపులోకి తీసుకున్నారు. తాజాగా, నిందితుడిని పోలీసులు దుబాయి కోర్టులో హాజరుపరిచారు. విచారణలో నిందితుడు తాను మహిళ పట్ల అసభ్యంగా ప్రవర్తించినట్లు తన నేరాన్ని ఒప్పుకున్నాడు. దీంతో ఈ కేసులో తదుపరి విచారణను న్యాయస్థానం వచ్చే నెలకు వాయిదా వేసింది.

Also Read: పూజారి బరితెగింపు.. మైనర్ బాలికపై అత్యాచారం