పెళ్లి ఇష్టం లేక ఎయిడ్స్ నాటకం.. కటకటాల్లోకి వరుడు

పెద్దలు కుదిర్చిన పెళ్లి చేసుకునేందుకు ఇష్టంలేక ఓ యువకుడు ఆడిన నాటకం అతడిని కటకటాల్లోకి వెళ్లేలా చేసింది. బెంగళూరుకు చెందిన కిరణ్‌కుమార్ అనే యువకుడికి ఓ యువతితో తల్లిదండ్రులు వివాహం నిశ్చయం చేశారు. డిసెంబర్ 1వ తేదీన అతడి వివాహం జరిపించేందుకు అంగరంగ వైభవంగా ఏర్పాట్లు చేశారు. అయితే ఈ పెళ్లి ఇష్టంలేని కిరణ్‌కుమార్ ఎలాగైనా ఆపాలని ఓ ప్లాన్ వేశాడు.

Also Read: ‘నీ కూతురిని రాత్రికి పంపు... ఎకరం రాసిస్తా’ కామాంధుడి నీచపు వ్యాఖ్యలు

తనకు ఎయిడ్స్ ఉందని, ఈ పెళ్లి చేస్తే మీ కూతురి జీవితం నాశనమవుతుందని యువతి తల్లిదండ్రులకు చెప్పాడు. పెళ్లి క్యాన్సిల్ చేయాలని కోరాడు. దీంతో షాకైన వధువు బంధువులు పెళ్లిని వాయిదా వేశారు. కిరణ్‌కుమార్‌ను హాస్పిటల్‌కు తీసుకెళ్లి హెచ్ఐవీ టెస్టులు చేయించగా నెగిటివ్ అని తేలింది. దీంతో కిరణ్‌‌ను అందరూ నిలదీయగా తనకు ఈ పెళ్లి ఇష్టం లేదని, దాన్ని ఆపేందుకు ఇలా చేశారని ఒప్పుకున్నాడు.

Also Read: పార్కులోనే బాలికపై అత్యాచారం.. హైదరాబాద్‌లో ఆటోడ్రైవర్ అరెస్ట్

దీంతో వధువు తల్లిదండ్రులు పోలీసులకు ఫిర్యాదు చేశారు. పెళ్లి పేరుతో కిరణ్ తమ పరువు తీసిన కిరణ్‌పై చర్యలు తీసుకోవాలని, పెళ్లి కోసం తాము ఖర్చు చేసిన రూ.15లక్షల నగదును తమకు తిరిగి ఇప్పించాలని కోరారు. దీంతో విజయనగర పోలీసులు అతడిని కేసు నమోదు చేసి అరెస్ట్ చేసి రిమాండ్‌కు తరలించారు. పెళ్లి నుంచి తప్పించుకునేందుకు కిరణ్ ఆడిన ఎయిడ్స్ నాటకం వికటించి అతడిని కటకటాలపాలు చేసింది.

Also Read: ‘నా చెల్లి ప్రాణం తీసినోడిని కూడా అలాగే చంపేయాలి’.. శ్రీలక్ష్మీ అక్క డిమాండ్