ఫోన్లో ఆ వీడియోలు చూపిస్తూ.. 11 మంది గిరిజన బాలికలపై వార్డెన్ అఘాయిత్యం

మహారాష్ట్రలో దారుణ ఘటన వెలుగుచూసింది. ప్రభుత్వ హాస్టల్‌లో ఉండి చదువుకుంటున్న గిరిజన బాలికలపై వార్డెన్ లైంగిక దాడులకు పాల్పడుతున్నాడు. సతారా జిల్లాలోని పంచగని ప్రాంతానికి చెందిన ప్రభుత్వ హాస్టల్‌ ఉంటున్న గిరిజన బాలికలపై కన్నేసిన వార్డెన్ వారిని తరుచూ లైంగికంగా వేధిస్తున్నాడు.

Also Read: కామారెడ్డి: బైక్‌పై సెల్ఫీ వీడియో తీసుకుంటూ యువకుడి మృతి.. లవ్ ఫెయిల్యూర్ అంటూ..

ఇటీవల 10-13 మధ్య వయసున్న 11 మంది బాలికలు హాస్టల్‌ నుంచి పరారయ్యారు. వీరిని గమనించి స్థానికులు ఎక్కడి నుంచి వచ్చారని ప్రశ్నించగా అసలు విషయం చెప్పారు. దీంతో వారు పోలీసులకు సమాచారమిచ్చారు. బాలికలను అదుపులోకి తీసుకున్న పోలీసులు వారి నుంచి అనేక వివరాలు రాబట్టారు. తమను వార్డెన్ తరుచూ గదిలోకి తీసుకెళ్లి అసభ్యంగా ప్రవర్తిస్తున్నాడని, ఫోన్లో సెక్స్ వీడియోలు చూపించి అలా చేయాలంటూ వేధిస్తున్నాడని బాలికలు చెప్పారు.

Also Read: హద్దులు దాటిన ప్రేమ.. పెళ్లి కాకుండానే బిడ్డకు జన్మనిచ్చిన ఉరవకొండ యువతి

ఈ విషయం తెలుసుకున్న బాలికల తల్లిదండ్రులు హాస్టల్‌కు చేరుకుని వార్డెన్‌ను నిలదీశారు. వారి ఫిర్యాదుతో పంచగని పోలీసులు నిందితుడిపై వివిధ సెక్షన్ల కింద కేసు నమోదు చేసి దర్యాప్తు చేపట్టారు. బాలికలపై లైంగిక దాడి జరిగిందా? లేదా? అన్న దానిపై స్పష్టత లేదని, వైద్య నివేదిక వచ్చాక అన్ని వివరాలు వెల్లడిస్తామని చెబుతున్నారు.

Also Read: అర్ధరాత్రి వివాహితపై ప్రియుడి అఘాయిత్యం.. పోలీసులకు పట్టించిన 11 ఏళ్ల కొడుకు