స్నేహితురాలిని లోబరుకుని మరో యువతితో పెళ్లి... హైదరాబాద్‌లో కీచక కానిస్టేబుల్

ప్రజలకు రక్షణగా ఉండాల్సిన ఉద్యోగంలో ఉన్న వ్యక్తే కామాంధుడిగా మారాడు. ప్రేమ పేరుతో యువతిని లొంగదీసుకుని లైంగికంగా దోచుకున్నాడు. తర్వాత గుట్టుచప్పుడు కాకుండా మరో యువతిని పెళ్లి చేసుకున్నాడు. బాధితురాలి మలక్‌పేట పోలీసులకు ఫిర్యాదు చేయడంతో ఈ ఘటన వెలుగులోకి వచ్చింది.

Also read: తాళి కట్టిన కొద్ది గంటల్లోనే చెట్టుకు వేలాడిన వరుడు.. మిస్టరీగా మారిన కేసు

హైదరాబాద్‌లోని సైదాబాద్‌ డివిజన్‌కు చెందిన ఓ యువతికి బేగంపేటకు శివకుమార్‌రెడ్డితో చిన్నప్పటి నుంచే పరిచయం ఉంది. ఉన్నత చదువుల కారణంగా ఇద్దరూ చాలాకాలం కలుసుకోలేదు. ప్రస్తుతం శివకుమార్‌రెడ్డి కానిస్టేబుల్‌గా (ఏఆర్‌)గా పని చేస్తున్నాడు. ఇద్దరూ 2018లో ఫేస్‌బుక్‌ ద్వారా మళ్లీ పరిచయమఅయ్యారు. సెల్‌ఫోన్ నంబర్లు ఇచ్చిపుచ్చుకుని ఇద్దరూ ఛాటింగ్ చేసుకునేవారు. 2018 ఏప్రిల్‌ 10న ఇంట్లో ఒంటరిగా ఉండగా శివకుమార్‌రెడ్డి ఆమెను లొంగదీసుకుని అత్యాచారం చేశాడు. పెళ్లి చేసుకుంటానని నమ్మించడంతో ఈ విషయం ఆమె ఎవరికీ చెప్పలేదు.

Also read: ఆమెను మూడుసార్లు అమ్మేశారు.. వందల సార్లు గ్యాంగ్ రేప్.. కంటతడి పెట్టిస్తున్న ఓ అబల దీనగాథ

ఈ ఏడాది జనవరిలో శివకుమార్‌రెడ్డి ఫోన్‌ స్విచ్ఛాఫ్ రావడంతో బాధితురాలికి అనుమానం వచ్చింది. దీంతో గత నెల 14వ తేదీన అతడిని నేరుగా కలుసుకుని నిలదీయగా అనుకోని పరిస్థితుల్లో పెళ్లి చేసుకోవాల్సి వచ్చిందని, ఇకపై తనకు ఫోన్ చేసి విసిగించొద్దని చెప్పాడు. దీంతో షాకైన బాధితురాలు గురువారం మలక్‌పేట పోలీసులకు ఫిర్యాదు చేసింది. దీనిపై కేసు నమోదు చేసుకున్న ఇన్‌స్పెక్టర్‌ కేవీ సుబ్బారావు దర్యాప్తు చేపట్టారు.

Also read: హోటల్ యజమాని కూతురితో ప్రేమాయణం.. కోరిక తీర్చుకుని పరారైన ఆటోడ్రైవర్