Hyderabad: అమ్మాయిలకి నగ్నంగా వీడియో కాల్స్.. కీచకుడి అరెస్ట్

న్యూడ్ ఫొటోలు పంపించాలంటూ యువతులను వేధింపులకు గురిచేస్తున్న యువకుడిని రాచకొండ పోలీసులు అరెస్టు చేశారు. నాగర్‌కర్నూల్ జిల్లాకు చెందిన మోటా దుర్గాప్రసాద్ చిత్తూరులో ఓ ప్రైవేట్ కంపెనీలో ఉద్యోగం చేస్తున్నాడు. పోర్న్‌కి బానిసగా మారిన దుర్గాప్రసాద్ కామకోరికలతో కీచకుడిగా మారాడు. సోషల్ మీడియాలో యువతుల ఫొటోలు, ఫోన్ నంబర్లు సేకరించి వేధించడం మొదలుపెట్టాడు.

అమ్మాయిలకు ఫోన్ చేసి న్యూడ్ ఫొటోలు పంపించాలంటూ వేధించేవాడు. నగ్నచిత్రాలు పంపకుంటే సోషల్ మీడియా నుంచి డౌన్‌లోడ్ చేసుకున్న ఫొటోలు, ఫోన్ నంబర్లు పోర్న్‌ సైట్లో పెడతానంటూ బెదిరింపులకు దిగేవాడు. ఒంటిపై బట్టల్లేకుండా యువతులకు ఫోన్ కాల్స్ చేసి అసభ్యకరంగా ప్రవర్తించేవాడు. వాట్సాప్‌లో అశ్లీల చిత్రాలు, సెక్స్ వీడియోలు పంపిస్తూ పైశాచికానందం పొందేవాడు.

Also Read: షార్ట్‌ఫిల్మ్‌ హీరోయిన్‌.. విడుదల కాకుండానే విషాదం.. నవవధువు ఆత్మహత్య కేసులో షాకింగ్..

నిత్యం ఫోన్ చేసి అసభ్యకర మాటలతో, అశ్లీల చిత్రాలతో మానసికంగా హింసిస్తున్న దుర్గాప్రసాద్‌పై బాధితులు పోలీసులకు ఫిర్యాదు చేయడంతో కీచకపర్వం వెలుగులోకి వచ్చింది. రంగంలోకి దిగిన రాచకొండ సైబర్ క్రైం పోలీసులు నిందితుడు దుర్గాప్రసాద్‌ని చిత్తూరులో అదుపులోకి తీసుకున్నారు. అతనిపై గతంలోనూ లైంగిక వేధింపుల కేసులు నమోదైనట్లు గుర్తించారు. నిందితుడిపై లైంగిక వేధింపులు, ఐటీ యాక్ట్ కింద కేసులు నమోదు చేసి దర్యాప్తు చేపట్టారు.

Read Also: దొంగబాబా కామక్రీడలు.. కోరిక తీర్చకపోతే చేతబడే.. శ్రీకాళహస్తిలో దారుణం