చెల్లెలిని ప్రేమించాడని అన్న ఘాతుకం.. అనంతపురంలో దారుణం

అనంతపురం జిల్లాలో దారుణ ఘటన వెలుగుచూసింది. చెల్లెలిని ప్రేమించాడన్న అక్కసుతో యువకుడి తండ్రిపై అన్న కత్తితో దాడి చేసిన ఘటన చోటుచేసుకుంది. హిందూపురంలోని మోడల్ కాలనీకి చెందిన యువకుడు అదే ప్రాంతానికి చెందిన యువతిని ప్రేమించాడు. ఆ విషయం ఇంట్లో తెలియడంతో పిల్లలిద్దరూ ఇష్టపడ్డారన్న ఉద్దేశంతో వివాహం చేయాలని యువకుడి తల్లిదండ్రులు కోరినట్లు తెలుస్తోంది.

చెల్లెలి ప్రేమ వ్యవహారం నచ్చని ఆమె అన్న అజకర్ కోపంతో రగిలిపోయాడు. పెళ్లి చేయమని అడగడంత మరింత కసి పెంచుకుని యువకుడి తండ్రి చాంద్‌బాషాపై కత్తితో దాడి చేశాడు. తన స్నేహితుడు వాసింతో కలసి కాళ్లు, చేతులపై విచక్షణా రహితంగా పొడిచేశాడు. అనంతరం అక్కడి నుంచి పరారయ్యారు. బాధితుడు చాంద్‌బాషాను కుటుంబ సభ్యులు, స్థానికులు హిందూపురం ప్రభుత్వాస్పత్రికి తరలించారు. తీవ్రగాయాలైన చాంద్ బాషా నడవలేని పరిస్థితి తలెత్తింది. పూర్తి వివరాలు తెలియాల్సి ఉంది.

Also Read: కరీంనగర్‌లో యువకుడి దారుణ హత్య.. ప్రేమ వ్యవహారమే.!Read Also: రాత్రివేళ రూటు మార్చిన ఆటో డ్రైవర్.. భయంతో యువతి.. తూర్పుగోదావరిలో షాకింగ్ ఘటన