అత్తపై అల్లుడి ఘాతుకం.. ఒంటరిగా ఉన్నప్పుడు ఇంటికెళ్లి.. దారుణం

రానురాను మహిళలకు ఇంట్లో కూడా భద్రత కరువైపోతోంది. ఎన్ని కఠిన చట్టాలు చేసినా కామాంధుల్లో కనీస భయం కలగడం లేదు. వావీవరసలు మరచి దారుణాలకు తెగబడుతున్నారు. సొంత అత్తపై కన్నేసిన అల్లుడు నీచానికి పాల్పడిన దారుణ ఘటన తాజాగా వెలుగుచూసింది. తమిళనాడులోని కడలూరు జిల్లా పన్రూటికి చెందిన వితంతు(50) మహిళపై ఆమె అల్లుడే(39) ఘాతుకానికి పాల్పడ్డాడు.

ఆమె ఒంటరిగా ఉన్న సమయంలో ఇంటికి వెళ్లి దారుణంగా అత్యాచారం చేశాడు. మృగాడి లైంగిక దాడితో ఆమె తీవ్రగాయాలపాలై ఆస్పత్రిలో చేరింది. అక్కడి వైద్యులు పోలీసులకు సమాచారం అందించడంతో కీచకపర్వం వెలుగులోకి వచ్చింది. బాధితురాలు పోలీసు కేసు పెట్టడంతో మహిళా పోలీసులు గ్రామానికి చేరుకుని విచారణ నిర్వహించారు. తనను అరెస్టు చేస్తారని భయపడిన అల్లుడు ఆత్మహత్యాయత్నం చేశాడు. స్థానికులు గమనించి అడ్డుకుని ఆస్పత్రిలో చేర్పించారు. నిందితుడిపై అత్యాచారం కేసు నమోదు చేసిన పోలీసులు దర్యాప్తు చేపట్టారు.

Also Read: మహిళా ఉద్యోగిపై అత్యాచారం! ట్రాన్స్‌ఫర్ చేయిస్తానంటూ దారుణం