భార్యాబాధితుడు.. ఉరేసుకుని ఆత్మహత్య.. ప్రకాశం జిల్లాలో విషాదం

భార్యాబాధితులు రోజురోజుకీ పెరిగిపోతున్నారు. నిత్యం భార్య వేధింపులు తట్టుకోలేక భర్త ఆత్మహత్య చేసుకున్న విషాద సంఘటన ప్రకాశం జిల్లాలో చోటుచేసుకుంది. పెద్దారవీడు మండలం దేవరాజుగట్టు ఎస్సీ కాలనీకి చెందిన కటికల దావీదు(50)కి భార్య బాలకుమారి, ఒక కుమార్తె, కొడుకు సంతానం. కుమార్తెకు వివాహం జరిపించి అత్తారింటికి పంపించారు. ఇటీవల భార్యతో మనస్పర్థల కారణంగా తరచూ ఇద్దరి మధ్య గొడవలు జరుగుతున్నాయి.

ప్రతిరోజూ ఏదో విషయమై భార్య బాల కుమారి భర్తతో గొడవపడుతుండడంతో జీవితంపై విరక్తి చెందిన దావీదు ఆత్మహత్య చేసుకోవాలని నిర్ణయించుకున్నాడు. అందరూ ఉపాధి పనులకు వెళ్లిన సమయంలో ఆత్మహత్య చేసుకున్నాడు. సమీపంలోని పెట్రోల్ బంకు వెనుక ప్రదేశంలో చెట్టుకు ఉరి వేసుకుని బలవన్మరణానికి పాల్పడ్డాడు. చనిపోయే ముందు తన తమ్ముడికి ఫోన్ చేసి తాను చనిపోతున్నానని చెప్పి.. తన కొడుకుని బాగా చూసుకోవాలని చెప్పి ఉరేసుకున్నాడు.

Also Read: ప్రేమ పేరుతో యువతిని దోచేసిన ప్రియుడు.. హైదరాబాద్‌లో దారుణం

అన్న ఆత్మహత్య చేసుకుంటానని చెప్పడంతో కంగారుపడిన తమ్ముడు, బంధువులు దావీదు కోసం వెతుకుతూ సంఘటన స్థలానికి చేరుకున్నారు. అప్పటికే చెట్టుకు వేలాడుతున్న దావీదు మృతదేహాన్ని ని కిందకు దించారు. పోలీసులు కేసు నమోదు చేసి దర్యాప్తు చేస్తున్నారు. భార్యతో మనస్పర్థల కారణంగానే ఆత్మహత్య చేసుకున్నట్లు ప్రాథమిక విచారణలో తేలినట్లు సమాచారం.

Read Also: ప్రియుడితో భార్య శృంగారలీలలు.. భర్తకి తెలిసిపోవడంతో..