భార్య తలతో నడుచుకుంటూ పోలీస్ స్టేషన్‌కి.. భయానకం

భార్యపై అనుమానంతో కిరాతకంగా చంపేసి తలతో భర్త పోలీస్ స్టేషన్‌కి వెళ్లిన అత్యంత భయానక ఘటన యూపీలో వెలుగుచూసింది. బబేరు పోలీస్ స్టేషన్ పరిధిలోని నేతానగర్‌‌లో నివాసముంటున్న చిన్నార్ యాదవ్, విమల(35) దంపతులు. కొద్దికాలంగా భార్యపై అనుమానం పెంచుకున్న యాదవ్ తరచూ ఆమెతో గొడవపడేవాడు. మరోమారు భార్యతో ఘర్షణ జరగడంతో ఆగ్రహంతో ఊగిపోయిన భర్త దారుణానికి తెగబడ్డాడు.

పదునైన ఆయుధంతో భార్యను నరికి కిరాతకంగా చంపేశాడు. ఆమె తలను మొండెం నుంచి వేరుచేశాడు. భార్య తలతో నడిరోడ్డుపై నడుచుకుంటూ పోలీస్ స్టేషన్‌కి వెళ్లాడు. చేతిలో భార్య తలతో భయానక వాతావరణం సృష్టించాడు. అలా తల పట్టుకుని నడుచుకుంటూ వెళ్తున్న వీడియో సోషల్ మీడియాలో వైరల్‌గా మారింది. నేరుగా పోలీస్ స్టేషన్‌కి వెళ్లి లొంగిపోయాడు. భార్యపై అనుమానంతోనే అతి కిరాతకంగా చంపేసి తలతో పోలీస్ స్టేషన్‌కి వచ్చి లొంగిపోయినట్లు జిల్లా ఎస్పీ మహేంద్ర ప్రతాప్ సింగ్ చౌహాన్ తెలిపారు.

Also Read: చిత్తూరులో సైకో వీరంగం.. రోకలిబండతో పోలీసులపైకి..Read Also: సహోద్యోగికి యాక్సిడెంట్ అని ఫోన్.. వెళ్లిన వివాహితపై.. దారుణం