సామాజిక కార్యక్రమాల పేరుతో సంఘ సంస్కర్తగా చెలమణి అవుతున్న ఓ వ్యక్తి స్నేహితుడి భార్యపై కన్నేశాడు. స్నేహితుడు ఇంట్లో లేని సమయం చూసి ఆమెను చెరబట్టబోయాడు. బాధితురాలు పోలీసులను ఆశ్రయించడంతో ఈ ఘటన వెలుగులోకి వచ్చింది. హైదరాబాద్‌లోని శామీర్‌పేటలో ఈ ఘటన చోటు చేసుకుంది. బాధితురాలి ఫిర్యాదు మేరకు పోలీసులు కేసు నమోదు చేసుకొని దర్యాప్తు చేస్తున్నారు. నిందితుడు చక్రధర్ గౌడ్‌ను అరెస్ట్ చేసి రిమాండ్‌కు తరలించారు. స్నేహితుడి భార్యపైనే కన్నేసిన నిందితుడు అదను చూసి, ఇంట్లో ఒంటరిగా ఉన్న సమయంలో తనపై అత్యాచారయత్నం చేశాడని బాధితురాలు ఫిర్యాదు చేసింది. అత్యాచారయత్నం అభియోగాల కింద అతడిపై కేసు నమోదు చేశారు. నిందితుడు కొన్నేళ్లుగా సేవా కార్యక్రమాల పేరుతో కొంత మంది సహకారంతో స్థానికంగా కొన్ని కార్యక్రమాలు నిర్వహిస్తున్నాడు.
