చిత్తుకాగితాల మధ్య చిగురించిన ప్రేమ..
చిత్తు కాగితాలు ఏరుకునే వ్యక్తి దారుణ హత్యకు గురైన సంఘటన ఎస్‌ఆర్ నగర్ పోలీస్ స్టేషన్ పరిధిలో చోటుచేసుకుంది. రాత్రి కలసి మద్యం తాగిన ఫ్రెండే అతనిని కిరాతకంగా గొంతుకోసి చంపేసినట్లు అనుమానిస్తున్నారు. కర్నాటకలోని గుల్బర్గా ప్రాంతానికి చెందిన షేక్ మోసిన్ పొట్టచేత పట్టుకుని నగరానికి వలస వచ్చాడు. అమీర్పేట్ ప్రాంతంలో అడ్డా కూలీగా.. ఇతర సమయాల్లో చిత్తుకాగితాలు ఏరుకుంటూ జీవనం సాగిస్తున్నాడు. అతనికి ఇటీవలే దివ్య అనే మహిళతో ఏర్పడిన పరిచయం ప్రేమగా మారింది. ఇద్దరూ పెళ్లి కూడా చేసుకున్నారు. అమీర్పేట్ పరిసర ప్రాంతాల్లోని ఫుట్‌పాత్‌లనే ఆవాసాలుగా చేసుకుని బతుకీడుస్తున్నారు.
Also Read: ‘నాకు ఆయనంటేనే మోజు.. ఆయన్ని వదిలిపెట్టి నేను రాను..’ మొదటి భర్తతో లేచిపోయిన రెండో భార్య
భార్యతో ఫ్రెండ్ అసభ్య ప్రవర్తన..
చిత్తుకాగితాలు ఏరుకునే క్రమంలో బోరబండకు చెందిన అబ్బు అలియాస్ గోర అనే వ్యక్తితో మోసిన్‌‌కి పరిచయం ఏర్పడింది. భార్యాభర్తలతో కలసి గోరా మద్యం సేవించేవాడు. మద్యం మత్తులో మోసిన్ భార్య దివ్యపై కన్నేసిన గోరా.. అర్ధరాత్రి వేళ ఆమెతో అసభ్యంగా ప్రవర్తించాడు. అది గమనించిన భర్త మోసిన్ అతనిని తీవ్రంగా హెచ్చరిస్తూ కొట్టి అక్కడి నుంచి పంపించేశాడు. అంతటితో ఆ విషయాన్ని వదిలేశాడు. కొద్దిరోజుల తర్వాత గోరా మళ్లీ భార్యాభర్తలతో కలిశాడు. పాత విషయాలన్నీ మర్చిపోయిన మోసిన్, దివ్య మామూలుగానే అతనితో మద్యం తాగారు. వాళ్లిద్దిర వద్ద నుంచి దివ్య కొద్దిగా పక్కకు వెళ్లగానే ఇద్దరి మధ్య మళ్లీ వివాదం రేగింది.
Read Also: భర్త నీచ కామకోరికలు.. భార్యని స్నేహితుల బెడ్రూమ్‌లోకి పంపి.. వీడియోలు తీసి అరాచకం
దారుణ హత్యకు గురైన భర్త..
అప్పటి వరకూ ఇద్దరితో కలసి మద్యం తాగిన భార్య దివ్య.. పెరుగు తీసుకొస్తానంటూ సమీపంలోని దుకాణానికి వెళ్లింది. ఆమె తిరిగి వచ్చేసరికి భర్త మోసిన్ రక్తపు మడుగులో పడి ఉన్నాడు. స్థానికుల సాయంతో దగ్గరికి వెళ్లి చూడగా అప్పటికే అతను మరణించినట్లు గుర్తించి పోలీసులకు సమాచారం అందించారు. సంఘటన స్థలానికి చేరుకున్న పోలీసులు హత్య ఘటనపై విచారణ చేపట్టారు. అప్పటి వరకూ కలసి మద్యం తాగిన స్నేహితుడు అబ్బునే అతికిరాతకంగా మోసిన్ గొంతుకోసి పరారైనట్లు ప్రాథమికంగా నిర్ధారణకు వచ్చినట్లు సమాచారం. దివ్య షాపు వద్దకు వెళ్లిన సమయంలో అబ్బు కత్తితో మోసిన్ గొంతులో పొడిచాడు. కత్తి లోతుగా తెగడంతో రక్తపు మడుగులో కొట్టుకుంటూ ప్రాణాలొదిలాడు. అరగంట సేపు ఎవరూ స్పందించపోవడంతో నడిరోడ్డుపై గిలగిలా కొట్టుకుని మృతి చెందినట్లుగా సమాచారం. కేసు నమోదు చేసుకున్న పోలీసులు విచారణ జరుపుతున్నారు.
Also Read: కామపిశాచిగా మారిన డాక్టర్.. మహిళలకు మత్తుమందిచ్చి రేప్.. సెక్స్‌ టాయ్స్‌తో వికృతంగా.