భర్తని చంపేసిన భార్య ప్రియుడు.. నెల్లూరులో దారుణం

వివాహేతర సంబంధానికి అడ్డుగా ఉన్నాడని ప్రియురాలి భర్తను దారుణంగా హత్య చేసిన ఘటన నెల్లూరు జిల్లాలో జరిగింది. చిల్లకూరు మండలం కలవకొండకు చెందిన దివ్యాంగుడు చేజర్ల సుబ్రహ్మణ్యం(38) ఇంటి వద్దే పంక్చర్లు వేసుకుంటూ జీవనం సాగిస్తున్నాడు. సుబ్రహ్మణ్యం భార్యకు ఉడతావారిపాళేనికి చెందిన కాటయ్యతో పరిచయమై వివాహేతర సంబంధానికి దారితీసింది. ఆ విషయం భర్తకి తెలిసిపోవడంతో పద్ధతి మార్చుకోవాలని కాటయ్యను తీవ్రంగా మందలించాడు.

తమ అక్రమ సంబంధానికి ప్రియురాలి భర్త అడ్డుగా ఉన్నాడని భావించిన కాటయ్య దారుణానికి తెగబడ్డాడు. ఏకంగా ఆమె భర్తని అంతంచేయాలని నిర్ణయించుకున్నాడు. అందుకోసం గూడూరుకి చెందిన బాలాజీని సంప్రదించాడు. తన వల్ల కాదన్న బాలాజీ.. మరో టీనేజ్ యువకుడితో మాట్లాడి బేరం కుదిర్చాడు. టీనేజ్ యువకుడు మరో మెకానిక్‌తో కలసి హత్య చేసేందుకు రూ.40 వేలకు డీల్ కుదుర్చుకున్నాడు.

Also Read: కామాంధుడిని కొడవలితో నరికి తప్పించుకున్న బాలిక.. చిత్తూరులో షాకింగ్

గత నెల 27 వ తేదీ తెల్లవారుజామున సుబ్రహ్మణ్యం బహిర్భూమికి వెళ్తున్న సమయంలో అదను చూసి కత్తులతో పొడిచి కిరాతకంగా హత్య చేశారు. అనంతరం నలుగురూ కలసి అక్కడి నుంచి పరారయ్యారు. హత్య కేసు నమోదు చేసి విచారణ చేపట్టిన పోలీసులు వివాహేతర సంబంధం కోణంలో ఆరా తీయడంతో అసలు నిజం బటయపడిది. భార్య ప్రియుడు సహా నలుగురిని పోలీసులు అరెస్టు చేసి కటకటాలవెనక్కి నెట్టారు.

Read Also: మద్యం తాగించి.. రోడ్డుపై పడుకోబెట్టి లారీతో తొక్కించి హత్య.. వీడిన రాంగోపాల్ మర్డర్ మిస్టరీ