వైజాగ్: అమ్మమ్మ హత్య.. బంగారం కోసం మనవడి ఘాతుకం

బంగారం కోసం సొంత అమ్మమ్మనే కడతేర్చాడో దుర్మార్గుడు. కిరాతకంగా చంపేసి పొదల్లో పడేసి వెళ్లిపోయాడు. ఈ దారుణ ఘటన విశాఖపట్నం జిల్లాలో చోటుచేసుకుంది. భీమిలి మండలం దాకమర్రికి చెందిన కొంకి పాపాయమ్మ(65)ను కూతురి కొడుకు కంటుభుక్త శ్రీనివాస్ దారుణంగా హత్య చేశాడు. ఆమెను చంపేసి పద్మనాభం మండలం బర్లపేట మారుమూల పొదల్లో పడేసి పరారయ్యాడు. వృద్ధురాలి మెడలోని ఆరుతులాల బంగారం దోచుకుని పరారైనట్లు తెలుస్తోంది. సమాచారం అందుకున్న పోలీసులు సంఘటన స్థలానికి చేరుకుని మృతదేహాన్ని పరిశీలించారు. మృతురాలిని పాపాయమ్మగా గుర్తించారు. పూర్తి వివరాలు తెలియాల్సి ఉంది.

Also Read: బాలామణి బాగోతం బట్టబయలు.. వీడిన అమలాపురం మర్డర్ మిస్టరీ